Erindi frá formanni leikskólanefndar

"Ég undirritaður hef óskað eftir að hætta sem formaður leikskólanefndar í Kópavogi. Á þessum tímapunkti vil ég þó þakka starfsmönnum menntasviðs og nefndarmönnum í leikskólanefnd fyrir samstarfið. Það hefur náðst ótrúlegur árangur í að bæta aðstöðu barna og starfsmanna leikskóla Kópavogs með kerfisbreytingum og breyttri nálgun. Ég vil sérstaklega þakka fyrir hvað allt starf í nefndinni hefur verið faglegt og algjör pólitísk samstaða hefur verið um þær breytingar sem hefur þurft að fara í. Nefndarmenn hafa allir sem einn nálgast verkefnið að heilindum með sameiginlega sýn á að auka vellíðan barna og gæði faglega starfsins í leikskólunum. "

Matthías Imsland

Leikskólanefnd þakkar fyrir vænlegt og gott samstarf. Við óskum Matthíasi góðs gengis, það verður eftirsjá af honum.