Hagasmári 1. Breytt deiliskipulag.

Lögð fram að nýju að lokinni kynningu umsókn Helga Más Halldórssonar arkitekts dags. 13. janúar 2025 f.h. lóðarhafa lóðarinnar nr. 1 við Hagasmára um breytingu á deiliskipulagi. Í breytingunni felst aukning byggingarmagns í 64.000 m² og stækkun byggingarreits um 3,3 m² til suð-austurs. Í gildi er deiliskipulag samþykkt í bæjarstjórn 14. febrúar 2006. Á fundi skipulags- og umhverfisráðs þann 20. janúar 2025 var samþykkt að grenndarkynna tillöguna. Tillagan var grenndarkynnt frá 13. febrúar til 19. mars 2025, engar athugasemdir bárust.

Uppdrættir í mkv. 1:2000 dags. 4. febrúar 2025

Samþykkt með vísan 3. tl. 3. gr. í viðauka lV. við samþykkt um stjórn Kópavogsbæjar og fundarsköp bæjarstjórnar nr. 1691/2024.

Lögð fram umsókn Helga Más Halldórssonar arkitekts dags. 13. janúar 2025 f.h. lóðarhafa lóðarinnar nr. 1 við Hagasmára um breytingu á deiliskipulagi. Í breytingunni felst að auka byggingarmagn í 64.000m² ásamt stækkun byggingarreits um 3,3 m² til suð-austurs. Í gildi er deiliskipulag sem var samþykkt í bæjarstjórn 14. febrúar 2006.

Uppdrættir í mkv. 1:1000 og 1:500 dags. 16. janúar 2025 og uppdrættir dags. 19. nóvember 2024.

Samþykkt með tilvísun í 2. mgr. 43. gr. skipulagslaga nr. 123/2010 að framlögð umsókn um breytingu á deiliskipulagi verði grenndarkynnt fyrir lóðarhöfum lóðanna nr. 3, 5, 9 og 9A við Hagasmára, nr. 1-7 við Silfursmára og nr. 3 við Smáratorg með sex atkvæðum Hjördísar Ýrar Johnson, Kristins Dags Gissurarsonar, Andra Steins Hilmarssonar, Gunnars Sæs Ragnarssonar, Theódóru S. Þorsteinsdóttur og Hákonar Gunnarssonar

Kolbeinn Reginsson sat hjá við afgreiðslu málsins.