Glaðheimar vesturhluti. Breytt deiliskipulag. Heimild til að hefja skipulagsvinnu.

Lagt fram erindi skipulagsfulltrúa, dags. 27. febrúar 2025, þar sem óskað er eftir heimild skipulags- og umhverfisráðs til að hefja vinnu við að gera breytingu á deiliskipulagi vesturhluta Glaðheimasvæðis, í samræmi við 43. gr. skipulagslaga nr. 123/2010, til að hægt verði að koma fyrir starfsemi SORPU, samanber bókun bæjarráðs dags. 12. desember 2024. Einnig er lagt til að skipulag svæðisins verði endurmetið með tilliti til breyttra forsenda, fyrirkomulagi uppbyggingar, endurskoðun á vegtengingum að svæðinu og aðkomu að lóðum innan svæðisins.

Birkir Rútsson deildarstjóri gatnadeildar tók sæti á fundinum undir þessum lið.

Skipulags- og umhverfisráð samþykkir að hefja megi vinnu við að breyta deiliskipulagi fyrir vesturhluta Glaðheimasvæðis, í samræmi við 1. mgr. 43. gr. skipulagslaga nr. 123/2010.

Skipulags- og umhverfisráð leggur áherslu á að við endurskoðun deiliskipulags fyrir vesturhluta Glaðheimasvæðis verði hugað að hugsanlegri byggð/tengingu yfir Reykjanesbraut sem verði þá lækkuð og eða sett í jarðgöng. Horft verði til þess að skerða í engu möguleika á því að samfella geti orðið í byggð á Glaðheima- og Smárasvæði.