Vatnsvík. Breyting á Aðalskipulagi Kópavogs 2019-2040. Upphaf skipulagsvinnu.

Lagt fram erindi skipulagsfulltrúa dags. 2. maí 2025 um heimild til að hefja vinnu við gerð breytingar á aðalskipulagi fyrir Vatnsvík sunnan Elliðavatns. Skipulagsvæðið liggur sunnan við Elliðavatn og er 35 hektara. Lagt er til að gerð verði breyting á Aðalskipulagi Kópavogs 2019-2040 og unnið nýtt deiliskipulag með það að markmiði að skipuleggja nýtt íbúðahúsahverfi.

Fundarhlé kl. 17:07, fundi fram haldið kl. 17:17.

Samþykkt að hafin verði vinna við breytingu á Aðalskipulagi Kópavogs 2019-2040 fyrir Vatnsvík sunnan Elliðavatns.

Bókun:

„Ljóst er að hér er um gríðarlega viðkvæmt svæði að ræða og byggingaáform eru mjög vandasöm. Miðað við þau gögn sem fyrir liggja eru sprungur á svæðinu sem kalla ítarlega rannsóknir og skoðun. Við teljum að vanda verði sérstaklega til þeirrar úttektar sem stendur til að fara í. Þá þarf að huga sérstaklega að upplýsingagjöf til íbúa og óskað er eftir samráðsáætlun við þá aðila sem eiga hagsmuna að gæta í því ferli sem framundan er.“

Hákon Gunnarsson, Indriði Stefánsson, Kolbeinn Reginsson og Leó Snær Pétursson.

Bókun:

„Annað stóð ekki til“.

Hjördís Ýr Johnson, Kristinn Dagur Gissurarson, Andri Steinn Hilmarsson og Gunnar Sær Ragnarsson.