Menntaráð - 146. fundur frá 19.08.2025

Fundargerð í þremur liðum.

Lagt fram.

Fundarhlé hófst kl. 17:15, fundi fram haldið kl. 17:25.

Fundarhlé hófst kl. 18:14, fundi fram haldið kl. 20:18

Bókun undir dagskrárlið nr. 3 í fundargerð ráðsins:

"Málefni grunnskólanna kalla á vandaða málsmeðferð og virðingu fyrir lýðræðislegu stjórnkerfi sveitarfélaga. Af máli bæjarstjóra má ráða að hana skorti skilning á hlutverki kjörinna fulltrúa og ábyrgð sinni sem framkvæmdastjóra sveitarfélagsins. Bæjarstjóri er ekki einn til ákvarðana heldur einn af ellefu fulltrúum sem fara sameiginlega með stjórn Kópavogsbæjar. Menntaráð fer með stefnumótun í skólamálum og bæjarráð fer með fjárheimildir og gerð fjárhagsáætlunar. Hlutverk bæjarstjóra er að tryggja að kjörnir fulltrúar hafi allar upplýsingar til að geta tekið ákvarðanir, ekki að kynna eigin hugmyndir beint fyrir foreldrum eða í fjölmiðlum áður en þær hafa fengið rétta málsmeðferð.

Tillögur að umbótum í grunnskólum hafa hvorki verið kostnaðarmetnar né þeim forgangsraðað í aðgerðaáætlun menntasviðs. Þær hafa ekki hlotið afgreiðslu í samræmi við samráðsferlið sem kynnt var í menntaráði og var grundvöllur stofnunar stýrihópsins. Samkvæmt verklaginu er það stýrihópur sem rýnir tillögur að lokinni vinnu sérfræðingateymis. Sú vinna er rétt að hefjast. Það er því ekki aðeins ótímabært heldur rangt að menntaráð afgreiði tillögurnar og að bæjarstjóri kynni þær opinberlega."

Sigurbjörg E. Egilsdóttir, Pírötum

Kolbeinn Reginsson, Vinum Kópavogs

Helga Jónsdóttir, Vinum Kópavogs

Theódóra S. Þorsteinsdóttir, Viðreisn

Bergljót Kristinsdóttir, Samfylkingu


Bókun:

"Málsmeðferðin hefur verið vönduð og byggist á víðtæku samráði við skólasamfélagið. Því er það miður að fulltrúar minnihlutans geri lítið úr þeirri vinnu með því að persónugera, leggja ofuráherslu á og tortryggja aðkomu bæjarstjóra að málinu. Tillögurnar fóru sinn eðlilega farveg fyrir menntaráð sem hefur það hlutverk að móta stefnu í málefnum grunnskóla og þessar aðgerðir eru í takti við framtíð og stefnu skólastarfs til ársins 2030.

Lýðræðislegt hlutverk kjörinna fulltrúa er að taka ákvarðanir og koma aðgerðum í framkvæmd. Þessar tillögur hafa verið ræddar ítarlega og fulltrúar allra flokka, bæði í menntaráði og bæjarráði hafa haft fullt tækifæri til að koma sínum ábendingum og athugasemdum að."

Ásdís Kristjánsdóttir

Orri Hlöðversson

Andri Steinn Hilmarsson

Björg Baldursdóttir

Elísabet Sveinsdóttir

Sigrún Bjarnadóttir


Bókun:

"Undirrituð gera ekki lítið úr þeirri vinnu sem skólasamfélagið hefur lagt í mótun tillagnanna. Hins vegar er ljóst að þær hafa ekki farið sinn eðlilega farveg. Samkvæmt samþykktu verklagi á stýrihópur að rýna tillögurnar þegar þær koma til baka úr sérfræðingateymi. Sú vinna er rétt að fara í gang og því algjörlega ótímabært að menntaráð afgreiði málið eða að bæjarstjóri kynni tillögurnar opinberlega.

Við ítrekum að bæjarstjóri er ráðinn framkvæmdastjóri sveitarfélagsins og á að vinna í umboði allra kjörinna fulltrúa sem bera ábyrgð gagnvart bæjarbúum. Framganga bæjarstjóra í þessu máli grefur undan lýðræðislegri ábyrgð."

Sigurbjörg E. Egilsdóttir, Pírötum

Kolbeinn Reginsson, Vinum Kópavogs

Helga Jónsdóttir, Vinum Kópavogs

Theódóra S. Þorsteinsdóttir, Viðreisn

Bergljót Kristinsdóttir, Samfylkingu


Bókun:

"Það er ekkert eðlilegra en að bæjarstjóri, sem er forsvarsmaður bæjarins, kynni tillögur sem hafa verið samþykktar af menntaráði og fundargerðin opinber. Innleiðingarferlinu og útfærslum á tillögunum verður að sjálfsögðu fylgt eftir."

Ásdís Kristjánsdóttir

Orri Hlöðversson

Andri Steinn Hilmarsson

Björg Baldursdóttir

Elísabet Sveinsdóttir

Sigrún Bjarnadóttir


Bókun:

"Í fundarboði menntaráðs voru tillögurnar lagðar fram til kynningar og umræðu en ekki afgreiðslu. Ferlið sem hér var fylgt er ekki í samræmi við það verklag sem kynnt var í menntaráði. Samkvæmt því er hlutverk stýrihópsins að „rýna og samþykkja tillögur sérfræðingateymis um innleiðingu umbótaverkefna, mælikvarða árangurs og tímaramma.“ Sú vinna hefur ekki farið fram og er því ótímabært að kynna tillögurnar sem samþykktar aðgerðir.

Auk þess er ljóst að endurskoðun menntaráðs á stefnum á að fara fram „í samræmi við ferli um mótun og endurmat stefna“ skv. erindisbréfi ráðsins. Hér hefur það ekki verið gert. Ennfremur verður að minna á að ekkert kostnaðarmat liggur fyrir og engar tillögur um fjárheimildir hafa komið fram."

Sigurbjörg E. Egilsdóttir, Pírötum

Kolbeinn Reginsson, Vinum Kópavogs

Helga Jónsdóttir, Vinum Kópavogs

Theódóra S. Þorsteinsdóttir, Viðreisn

Bergljót Kristinsdóttir, Samfylkingu


Bókun:

"Það er ljóst að meiri- og minnihluti eru ekki sammála um ferlið í tengslum við menntatillögurnar. Mestu máli skiptir er að svo virðist sem samstaða sé efnislega um tillögurnar í bæjarstjórn, sem eru jákvæðar og til bóta fyrir skólastarfið í grunnskólum Kópavogsbæjar."

Ásdís Kristjánsdóttir

Orri Hlöðversson

Andri Steinn Hilmarsson

Björg Baldursdóttir

Elísabet Sveinsdóttir

Sigrún Bjarnadóttir

Fundargerð í þremur liðum.

Fundargerð tekin inn með afbriðgum.

Umræður.

Lagt fram.


Bókun:

Undirrituð telja það ekki til tíðinda að Kópavogsbær ætli að innleiða samræmt námsmat, sem undirbúið var af Miðstöð menntunar og skólaþróunar (MMS) í tengslum við menntastefnu til 2030. Það er grunnskólum í öllum sveitarfélögum landsins ætlað að gera á skólaárinu 2025 til 2026. Þá fyrst verða tíðindi í Kópavogi þegar bærinn samþykkir fjárheimildir til umbóta í grunnskólastarfi. Menntaráð sendi í gær frá sér margar ágætar tillögur um umbætur í skólastarfi, m.a. varðandi fýsileika sérskóla í samvinnu sveitarfélaganna á höfuðborgarsvæðinu. Lögð er áhersla á að fjölbreytt viðfangsefni til að sinna börnum í grunnskóla geri tilkall til margháttaðrar fagþekkingar og mismunandi sérhæfingar starfsfólks skólanna. MMS leggur í sínum leiðbeiningum sérstaka áherslu á heildstæða nálgun í móttöku og inngildingu barna með fjölbreyttan tungumála- og menningarbakgrunn, og stuðningskerfi fyrir kennara og annað fagfólk sem starfar með fjöltyngdum börnum og fjölskyldum þeirra. Kópavogsbær gefur fyrirheit um að þróa verklag sem felur í sér hvatningu, námslega aðstoð og starfsþróun á meðan á námi stendur. Þegar bæjarstjóri leggur fram tillögur um fjárheimildir til endurbóta í grunnskólum Kópavogs munu fulltrúar okkar framboða styðja allt það sem til framfara horfir.

Helga Jónsdóttir Vinum Kópavogs

Jóhanna Pálsdóttir Viðreisn

Sigurbjörg Erla Egilsdóttir Pírötum

Hákon Gunnarsson Samfylkingu


Bókun:

Meirihlutinn fagnar þeirri umræðu sem tilkynningin um stöðu- og framvindupróf í Kópavogi hefur vakið, enda tímabært að menntun barnanna okkar fái stærri sess í opinberri umræðu. Það er rétt að matsferillinn er hluti af menntastefnu sem tekur til allra sveitarfélaga. Það sem greinir Kópavog frá öðrum er að stöðu- og framvinduprófin verða skylda frá og með 4. bekk í öllum grunnskólum bæjarins. Þannig er gengið mun lengra en gerð er krafa um, um að leggja slík próf fyrir einu sinni á hverju stigi grunnskóla - þ.e. alls þrisvar sinnum yfir skólagöngu barnanna.

Aðgerðirnar 16 sem kynntar voru í menntaráði eru afrakstur víðtæks samráðs haustið 2024, þar sem rætt var við um 300 skólastjórnendur, kennara, nemendur og foreldra í öllum grunnskólum bæjarins. Í stýrihóp um tillögurnar sátu þar að auki fulltrúar meiri- og minnihluta. Meirihlutinn fagnar því að minnihlutinn styðji umbætur í menntamálum, það er mikilvægt að við stöndum öll saman um aðgerðir sem munu leiða til raunverulegra umbóta í skólamálum í Kópavogi.

Andri Steinn Hilmarsson

Björg Baldursdóttir

Hjördís Ýr Johnson