Marbakkabraut 38. Fyrirspurn.

Lögð fram fyrirspurn dags. 22. september 2025 f.h. lóðarhafa lóðarinnar nr. 38 við Marbakkabraut um að lóðinni verði skipt í þrjár lóðir og heimild fyrir einbýlishúsi á hverri lóð. Uppdrættir dags. 11. september 2025. Á fundi skipulags- og umhverfisráðs þann 6. október 2025 var erindinu vísað til umsagnar skipulagsfulltrúa. Lagt fram að nýju ásamt umsögn skipulagsfulltrúa dags. 27. nóvember 2025.

Umsögn skipulagsfulltrúa dags. 27. nóvember 2025 samþykkt með fjórum atkvæðum Hjördísar Ýrar Johnson, Kristins Dags Gissurarsonar, Andra Steins Hilmarssonar og Gunnars Sæs Ragnarssonar gegn atkvæðum Leós Snæs Péturssonar, Kolbeins Reginssonar og Hákonar Gunnarssonar.

Fundarhlé kl. 17:12, fundi framhaldið kl. 17:37.

Bókun:

„Í Byggðakönnun Kársnes sem kom út árið 2023 er Marbakkabraut 38 sett í svokallaðan „Rauðan flokk“ húsavernd í deiliskipulagi. Um rauðan flokk segir: „Einstök hús sem lagt er til að vernda með hverfisvernd í deiliskipulagi vegna byggingarlistarlegrar, menningarsögulegrar og/eða umhverfislegrar sérstöðu“

Þá segir líka að sýna þurfi sérstaka aðgát við hönnun breytinga og viðbygginga. Við teljum að fara þurfi mjög vel í saumana á húsum og lóð við Marbakkabraut 38 og fram fari nánari húsakönnun í kjölfarið áður en tillagan er samþykkt.

Þá er margt óljóst varðandi fordæmi sem samþykkt þessarar tillögu hefði í för með sér.“

Hákon Gunnarsson, Indriði Ingi Stefánsson, Kolbeinn Reginsson og Leó Snær Pétursson.

Bókun:

„Hér er einungis um fyrirspurn að ræða. Meirihlutinn telur ekki ástæðu til að ráðast í húsakönnun á þessu stigi.

Hjördís Ýr Johnson, Kristinn Dagur Gissurarson, Andri Steinn Hilmarsson og Gunnar Sær Ragnarsson.

Bókun:

„Byggðakönnun eins og var gerð á Kársnesi 2023 er yfirlitsrýni og sem slík inniheldur hún mjög umfangsmikið efni. Ekki er hægt að fara í smáatriði á hverju húsi og lóð. Minnihlutinn telur eðlilegt að gerð verði nánari húsakönnun á Marbakkabraut 38 vegna þessarar fyrirspurnar. Almennt gildir að það þarf að fara mjög vel ofan í saumana á húsum og lóðum þar sem tillögur að verndun hafa verið gerðar.“

Hákon Gunnarsson, Indriði Ingi Stefánsson, Kolbeinn Reginsson og Leó Snær Pétursson.

Lögð fram fyrirspurn dags. 22. september 2025 f.h. lóðarhafa lóðarinnar nr. 38 við Marbakkabraut um að lóðinni verði skipt í þrjár lóðir og heimild fyrir einbýlishúsi á hverri lóð. Uppdrættir dags. 11. september 2025

Vísað til umsagnar skipulagsfulltrúa.