Umsókn um styrki frá menningar- og mannlífsnefnd Kópavogsbæjar

Skátafélagið Kópar sækir um 500.000 kr. styrk til að halda fjölskylduvæna sumarhátíð við skátaheimilið á Sumardaginn fyrsta (23. apríl 2026) í tilefni af fyrsta degi sumars og 80 ára afmæli félagsins.

Menningar- og mannlífsnefnd þakkar fyrir umsóknina og samþykkir að veita kr. 400.000 til hátíðarhalda Skátanna á Sumardaginn fyrsta 2026. Nefndin leggur jafnframt til að gerður verði þriggja ára samningur við Skátana til að festa árlega hátíð á Sumardaginn fyrsta í sessi og felur forstöðumanni menningarmála að fylgja því á eftir.