Innkaupanefnd - 11. fundur frá 15.12.2025

Fundargerð í fimm liðum.

Lagt fram.

Fundarhlé hófst kl. 18:03, fundi fram haldið kl. 18:37

Bókun:

"Undirrituð telja mikilvægt að bæjarstjórn hafi raunsanna mynd af fjárhagsramma verkefnisins í heild áður en lengra er haldið í innkaupaferlinu. Samkvæmt erindisbréfi innkaupanefndar er heimild nefndarinnar til ákvarðana um útboð bundin því að kostnaðaráætlun rúmist innan fjárhags- og fjárfestingaráætlunar, og að nefndin hafi ekki heimild til fullnaðarafgreiðslu umfram samþykktar fjárheimildir.

Fyrir liggur kostnaðaráætlun sem bendir til þess að heildarkostnaður verkefnisins sé umfram ramma þriggja ára áætlunar. Við slíkar aðstæður er eðlilegt, og í samræmi við bæjarmálasamþykkt, að bæjarráð taki málið til endanlegrar afgreiðslu, enda er bæjarráð réttur vettvangur útboðsmála og fjárútláta utan fjárhagsáætlunar.

Útboðslýsing kveður á um fjárheimild að upphæð 1.900 m.kr. (m. vsk.) fyrir hönnun og framkvæmd. Kostnaðaráætlun gerir þó, til viðbótar við hönnun og framkvæmd, ráð fyrir nauðsynlegum kostnaðarliðum utan verksamnings, einkum umsjón og eftirliti. Miðað við útboðsupphæð liggur ekki fyrir að nægt svigrúm sé innan fjárheimilda til að standa straum af þessum liðum.

Undirrituð telja ekki ábyrga fjármálastjórn að halda málinu áfram í innkaupaferlinu án skýrrar heildaryfirsýnar og staðfestingar á fjármögnun allra nauðsynlegra liða verkefnisins, áður en ferlið er fært á næsta stig."

Sigurbjörg Erla Egilsdóttir

Helga Jónsdóttir

Kolbeinn Reginsson

Jóhanna Pálsdóttir

Bergljót Kristinsdóttir


Bókun:

"Fjárhagsáætlun gerir ráð fyrir 2.200 milljónum króna á þriggja ára áætlun. Fjárheimildir til verksins í forvalsgögnum hljóða upp á 1.900 milljónir króna með vsk. eins og fram kemur í útboðslýsingu og rúmast því innan fjárheimilda. Eins og ítrekað hefur komið fram í bókunum meirihlutans er mikilvægt að blanda ekki saman kostnaði við framkvæmdir annars vegar og eftirlit, áhættu og ófyrirséðum kostnaði hinsvegar á þessu stigi málsins."

Björg Baldursdóttir

Orri V. Hlöðversson

Ásdís Kristjánsdóttir

Elísabet B. Sveinsdóttir

Hanna Carla Jóhannsdóttir

Bergur Þorri Benjamínsson


Bókun:

"Bæjarstjórn ber ábyrgð á að tryggja að heildarkostnaður verkefnisins rúmist innan fjárheimilda, þar með talið nauðsynlegir liðir utan verksamnings eins og umsjón og eftirlit, og að fyrir liggi með skýrum hætti hvernig þeim verður mætt innan ramma. Undirrituð ítreka að það er ekki „að blanda saman“ kostnaði að krefjast slíkrar heildaryfirsýnar heldur er það algjör forsenda fyrir eðlilega áhættustýringu í opinberum framkvæmdum."

Sigurbjörg Erla Egilsdóttir

Helga Jónsdóttir

Kolbeinn Reginsson

Jóhanna Pálsdóttir

Bergljót Kristinsdóttir


Bókun:

"Við vísum til fyrri bókunar."

Björg Baldursdóttir

Orri V. Hlöðversson

Ásdís Kristjánsdóttir

Elísabet B. Sveinsdóttir

Hanna Carla Jóhannsdóttir

Bergur Þorri Benjamínsson

Fundargerð í fimm liðum.

Fundargerð í fimm liðum.

Lagt fram.

Bókun:

"Undirrituð telur að bókanir hennar við mál nr. 1 í fundargerð innkaupanefndar skuli ekki vera bundnar trúnaði. Þær eru hér með áréttaðar:

Undirrituð telur vafa leika á um heimildir nefndarinnar til afgreiðslu tillögunnar. Samkvæmt framlagðri kostnaðaráætlun er áætlaður heildarkostnaður við verkið hærri en samþykktar fjárheimildir í þriggja ára áætlun gera ráð fyrir. Auk þess er nauðsynlegt að uppfæra útboðslýsingu áður en málið er afgreitt, setja inn rétta dagsetningu verkloka og skýra hvaða frávikstilboð eru heimil, þar sem bæði kemur fram í lýsingu að frávikstilboð séu heimil og að ekki sé heimilt með frávikstilboði að gera tilboð í aðra tilhögun verksins en þá sem lýst er í útboðsgögnum.

Undirrituð ítrekar að samkvæmt erindisbréfi nefndarinnar er heimild til ákvarðana um útboð bundin því að kostnaðaráætlun rúmist innan fjárhags- og fjárfestingaráætlunar, og að nefndin hefur ekki heimild til fullnaðarafgreiðslu umfram samþykktar fjárheimildir. Þar sem framlögð kostnaðaráætlun er umfram fjárheimildir þriggja ára áætlunar er eðlilegt og í samræmi við bæjarmálasamþykkt að málinu sé vísað til bæjarráðs, sem er samkvæmt bæjarmálasamþykkt réttur vettvangur til endanlegrar afgreiðslu útboðsmála."

Sigurbjörg E. Egilsdóttir.


Bókun:

"Eins og kemur fram í bókun bæjarfulltrúa Pírata var bókun hennar lögð fram í trúnaðarbók, en það var mat meirihluta innkauparáðs að hún gæfi væntingar um að það væri svigrúm af hálfu bæjarins til innkaupa umfram það sem kemur fram í útboðslýsingu, en slíkar væntingar geta gengið gegn hagsmunum sveitarfélagsins þegar innkaupaferlið er á viðkvæmum stað. Meirihluti bæjarráðs gerir ekki athugasemd við að bókunin sé dregin fram með þeim hætti sem hér er gert, en telur brýnt að árétta um leið að fjárheimildir til verksins hljóða uppá 1.900 milljónir kr. með vsk. eins og fram kemur í útboðslýsingu og rúmast innan fjárheimilda. Meirihlutinn telur ekki tækt að blanda saman kostnaði við framkvæmd og hönnun annars vegar og eftirliti hins vegar á þessu stigi máls."

Ásdís Kristjánsdóttir

Hjördís Ýr Johnson

Andri Steinn Hilmarsson

Björg Baldursdóttir


Bókun:

"Útboðslýsing tilgreinir að fjárheimildir til verkhlutans sem verið er að bjóða út, hönnun og framkvæmd, hljóði upp á 1.900 milljónir kr. með vsk. Við það að ráðstafa 1.900 milljónum í þann hluta er samkvæmt fyrirliggjandi kostnaðaráætlun ekki nægt svigrúm eftir innan fjárheimilda fyrir þá kostnaðarliði sem eðli máls samkvæmt falla utan verksamnings, fyrst og fremst umsjón og eftirlit.

Hér er því ekki verið að „blanda saman“ óskyldum þáttum, heldur að tryggja að fjárhagsrammi verkefnisins sé raunhæfur,og meðferð málsins í samræmi við heimild nefndarinnar til fullnaðarafgreiðslu. Það er mikilvægt að sýna fram á hvernig nauðsynlegir liðir utan verksamnings verða fjármagnaðir, annars getur það leitt til vandkvæða á síðari stigum máls með tilheyrandi kostnaði og áhættu fyrir sveitarfélagið.

Undirrituð telur að aðgreina með þessum hætti útboðsupphæð annars vegar og heildarverkefniskostnað hins vegar, án skýrrar heildaryfirsýnar og staðfestingar á fjármögnun allra nauðsynlegra liða, sé óábyrg fjármálastjórn og gangi gegn grundvallarsjónarmiðum um ábyrga og gagnsæja meðferð opinbers fjár."

Sigurbjörg E. Egilsdóttir


Bókun:

"Hér er eingöngu verið að bjóða út hönnun og framkvæmd verksins. Að öðru leyti vísar meirihlutinn til fyrri bókunar."

Ásdís Kristjánsdóttir

Hjördís Ýr Johnson

Andri Steinn Hilmarsson

Björg Baldursdóttir