Háahvarf 2-4. Byggingaráform.

Með tilvísun í skilmála í deiliskipulagi Vatnsendahvarfs, dags. 14. nóvember 2023, eru lögð fram byggingaráform frá Nordic office of Architecture dags. 18. júní 2026 f.h. lóðarhafa lóðarinnar nr. 2-4 við Háahvarf. Í byggingaráformum kemur fram hvernig hönnun og frágangur mannvirkja og lóða falla að viðmiðum í almennum ákvæðum í skipulagsskilmálum í gildandi deiliskipulagi Vatnsendahvarfs. Einnig er lögð fram umsögn skipulagsfulltrúa dags. 30. júní 2026.

Bókun:

„Miðflokkurinn fagnar því að skipulagsfulltrúi Kópavogs hafi samþykkt tillögu hönnuðar og byggingarverktaka, og þannig svarað ákalli um fjölgun bílastæða við Háahvarf 2-4 í 44 stæði, þrátt fyrir að skilmálar deiliskipulags hafi upprunalega gert ráð fyrir 39 stæðum. Mikil vöntun og þörf hefur verið á bílastæðum við nýbyggingar í Kópavogi og er þetta fagnaðarefni og vonandi vísir að breyttri stefnu í þeim málum.“

Beitir Ólafsson.

Umsögn skipulagsfulltrúa dags. 30. júní 2026 samþykkt.