Menningar- og mannlífsnefnd - 5. fundur

Óskað er eftir 200.000 króna styrk til tveggja tónskálda vegna smíði nýrra verka sem flutt verða á útgáfutónleikum Dúó Freyju í Salnum á þessu ári.

Menningar- og mannlífsnefnd samþykkir að veita Dúó Freyju kr. 200.000 vegna smíði tveggja nýrra tónverka.

Lionsklúbbur Kópavogs óskar eftir styrk að upphæð kr. 500.000 til kaupa og varðveislu á kvikmynd Marteins Sigurgeirssonar um Kópavogsbúið og endurbyggingu þess.

Menningar- og mannlífsnefnd samþykkir að veita Lionsklúbbi Kópavogs kr. 250.000 til kaupa og varðveislu á kvikmyndinni, með hjásetu Margrétar Tryggvadóttur og Indriða Inga Stefánssonar.

Ástráður, kynfræðslufélag læknanema, óskar eftir styrk að upphæð kr. 250.000 vegna fræðsluverkefnis fyrir menntaskólanema.

Menningar- og mannlífsnefnd getur ekki orðið við beiðninni.

Tillögur að breytingum að stofnskrá Náttúrufræðistofu Kópavogs.

Menningar- og mannlífsnefnd samþykkir framlagða stofnskrá. Nefndin leggur jafnframt til að Náttúrusafn Kópavogs verði í daglegu tali og öllu markaðsefni nefnt Náttúrusafnið.

Svar við fyrirspurn Indriða Inga Stefánssonar um útilistaverk í bæjarlandinu.

Lagt fram.

Val á Bæjarlistamanni Kópavogs 2025.

Menningar- og mannlífsnefnd hefur komist að samkomulagi um val á bæjarlistamanni og verður tilkynnt um valið föstudaginn 23. maí.