Menntaráð - 74. fundur

Kynning á verkefni frá Salaskóla.

Hafsteinn Karlsson, skólastjóri Salaskóla kynnti þróunarverkefni sem fjallar um bættan námsárangur og líðan nemenda í Salaskóla. Verkefnið hófst á málþingi sem haldið var í 8., 9. og 10. bekk. Menntaráð þakkar fyrir greinargóða kynningu á áhugaverðu verkefni.

Svar við fyrirspurn um úthlutun til stuðningsfulltrúa í grunnskólum Kópavogs lagt fram. Jafnframt verður kynning á fyrirkomulagi úthlutunar á kennslutímamagni til grunnskóla.

Lagt fram.

Kynning á rannsókninni "Snjalltækjalausn til heilsueflingar unglinga".

Erlendur Egilsson, sálfræðingur kom á fund ráðsins og kynnti rannsókn meðal 8. til 10. bekkinga í grunnskólum Kópavogs sem framkvæmd verður á vormánuðum 2021. Í rannsókninni er verið að skoða notkun unglinga á heilsueflandi snjalltækjalausn.

Reglur Kópsins, viðurkenningar menntaráðs, lagðar fram til ígrundunar og fyrirkomulag á framkvæmd 2021 rætt.

Menntaráð staðfestir reglur Kópsins sem samþykktar voru á fundi ráðsins 19. febrúar 2019. Guðmundur Geirdal, Birkir Jón Jónsson og Ingibjörg Guðmundsdóttir voru kosin í valnefnd Kópsins. Jóhannes Birgir Jensson er fulltrúi foreldra í valnefnd.