Menntaráð - 61. fundur

Kynning á sumaropnun í félagsmiðstöðvum í grunnskólum. Einnig kynnt staða á skipulagi sumarnámskeiða fyrir sumarið 2020.

Amanda K. Ólafsdóttir, deildarstjóri frístundardeildar kynnti framkvæmd og fyrirkomulag sumaropnana félagsmiðstöðva, útivaktir félagsmiðstöðva og samvinnu við foreldrarölt. Arna Margrét Erlingsdóttir, verkefnastjóri á menntasviði kynnti einnig sumarnámskeið fyrir börn og ungmenni sem haldin eru í Kópavogi.

Kynning á styrk sem Velkomið verkefnið hefur hlotið.

Lagt fram.

Upplýsingar um framkvæmd skólastarfs vegna breytinga á samkomubanni. Jafnframt farið yfir skipulag vegna fyrirhugaðs verkfalls Eflingar.

Menntaráð lýsir yfir miklum áhyggjum af verkfalli starfsfólks Eflingar í grunnskólum Kópavogs sem hófst um hádegi í dag 5. maí. Í ljósi undangengis verkfalls og Covid-19 faraldurs hefur skólastarf í grunnskólum bæjarins þegar raskast mikið á önninni og mega nemendur ekki við frekari skerðingu. Menntaráð skorar á samningsaðila að ganga til samninga eins fljótt og auðið er.

Tillaga um breytingu á skóladagatali lögð fram.

Menntaráð ákveður að unnið verði samkvæmt samþykktu skóladagatali út skólaárið, í því felst að allir skólar taka skipulagsdag 22. maí. Jafnframt samþykkir menntaráð að Álfhólsskóli, Kársnesskóli, Kópavogsskóli, Salaskóli og Smáraskóli sem ekki nýttu skipulagsdag sem var samkvæmt skóladagatali 23. mars s.l. slíti skóla 8. júní í stað 9. júní.

Menntaráð hafnar erindi Salaskóla um breytt skóladagatal í ljósi ofangreindrar samþykktar.