Menntaráð - 44. fundur

Lögð fram úttekt sérfræðings á kennsluháttum í Kópvogsskóla sem gerð var í kjölfar ytra mats á skólanum.

Dr. Ingvar Sigurgeirsson, sérfræðingur í kennslufræðum kynnti úttekt sína á kennsluháttum í Kópavogsskóla. Menntaráð fagnar niðurstöðum.

Lögð fram beiðni frá skólastjórum í Kópavogi um að leggja fyrir foreldra- og starfsmannakannanir Skólapúlsins þriðja hvert ár í stað annað hvert ár.

Menntaráð samþykkir beiðni skólastjóra með öllum greiddum atkvæðum. Menntasviði er falið að endurskoða samning við Skólavogina.

Ný veflausn fyrir næringarútreiknaða matseðla fyrir mötuneyti grunnskóla.

Menntaráð lýsir ánægju sinni yfir að þeim áfanga sé náð að næringargildi matar sé sýnilegt á heimasíðum grunnskólanna.

Farið yfir úrræði í grunnskólum vegna nemenda með margþættan vanda. Hugmyndir um faglega þróun úrræða kynnt og rædd.

Kynnt og rætt.

Lagt fram.

Þegar innleiðing á spjaldtölvum hófst var áætlað að fenginn yrði utanaðkomandi aðili til að meta framvindu markmiða verkefnis að ca. 5 árum liðnum, á þeim forsendum að fyrr væri það ekki tímabært. Unnið er að undirbúningi og stefnt að því að sú vinna fari fram á næsta ári. Jafnframt verður leitað samstarfs við Menntamálastofnun varðandi fyrirkomulag og áherslur í stöðumati á verkefninu. Jafnframt verður horft til tillagna SAMKÓP við úttektina.

Benda má á að ýmsir utanaðkomandi aðilar hafa skoðað eðli og framgang verkefnisins, m.a. í lokaverkefnum á meistarastigi sem finna má á heimasíðu verkefnisins http://spjaldtolvur.kopavogur.is/upplysingar/

Tillaga að fundaráætlun fyrir haustönn 2019 lögð fram.

Samþykkt með öllum greiddum atkvæðum.