Öldungaráð - 14. fundur

Skýrsla um aukið félagsstarf fullorðinna sumarið 2020 lögð fram til upplýsinga.

Lagt fram. Öldungaráð lýsir yfir ánægju með verkefnið og hvernig til tókst.Von er um að hægt sé að halda verkefninu áfram næsta sumar.

Kynning á heilsueflingar verkefni eldri borgara í Kópavogi.

Eva Katrín Friðgeirsdóttir verkefnastjóri kynnti verkefnið Virkni og Vellíðan í Kópavogi. Öldungaráð þakkar Evu Katrínu fyrir góða kynningu og lýsir jafnframt yfir mikilli ánægju með verkefnið og ánægjulegt að sjá hversu margir hafa skráð sig.

Velferðarráð vísaði tillögum að breyttum reglum um ferðaþjónustu aldraðra til umsagnar öldungaráðs.

Öldungaráð leggur til að fyrsta tillaga verði valin, bæði hvað varðar fjölda ferða og gjaldskrá. Í því felst að fjöldi ferða verði áfram 16 á mánuði, en heimild til að veita fleiri ferðir verði rýmkuð að undangengnu félagslegu mati á aðstæðum umsækjenda. Til viðbótar við óbreytta gjaldskrá leggur ráðið til að unnt verði að óska eftir lækkun gjalds fyrir umfram ferðir, á grundvelli félagslegs mats.

Fundaráætlun öldungaráðs 2020-2021 lögð fram til samþykktar.

Fundaráætlun öldungaráðs lögð fram og samþykkt.