Umhverfis- og samgöngunefnd - 168. fundur

Fyrirspurn nefndarfulltrúa um útbreiðslu bjarnarkló í bæjarfélaginu. Friðrik Baldursson garðyrkjustjóri Kópavogs kynnir

Lagt fram og kynnt. Umhverfis- og samgöngunefnd þakkar Friðriki góða kynningu og hvetur til kynningar tímanlega fyrir næsta sumar.

Viðbrögð vegna rafhlaupahjóla sem lagt er óæskilega á bæjarlandi að lokinni notkun

Umhverfis og samgöngunefnd óskar umsagnar frá Umhverfissviði um nánari útfærslu.

Lagt fram bréf Skógræktarfélags Íslands, dags. 13. september 2023, með ályktun af aðalfundi félagsins um skógarreiti og græn svæði innan byggðar. Var erindið lagt fram á fundi bæjarráðs þann 21. september 2023. Bæjarráð vísaði erindinu til skipulagsráðs sem á fundi sínum þann 2. okt. síðastliðinn lagði fram að erindinu yrði komið á framfæri við umhverfis- og samgöngunefnd

Umhverfis- og samgöngunefnd tekur undir hvatningu skipulagsráðs að hafa eigi í huga mikilvægi grænna svæða og varðveislu skógarreita í allri skipulagsvinnu Kópavogsbæjar, eins og Skógræktarfélagið bendir á.

Kynning á hámarkshraðaáætlun fyrir Kópavog. Málinu var frestað á síðasta fundi nefndarinnar 19. sept. síðastliðinn

Kynningu og umræðum haldið áfram á næsta fundi.

Fyrirspurn nefndarfulltrúa um framkvæmdir Veitna á Kársnesbraut.

Umhverfis- og samgöngunefnd lýsir yfir óánægju með seinagang á framkvæmd verksins. Nefndin styður Umhverfissvið til að halda áfram að fylgja málinu eftir af festu.

Fyrirspurn nefndarfulltrúa varðandi ráðstöfun fjármuna í stígaframkvæmdir

Frestað.