Umhverfis- og samgöngunefnd - 172. fundur

Anna Kristín Guðmundsdóttir, lögmaður á lögfræðideild gerir grein fyrir erindinu.

Lagt fram og kynnt.

Bókun Indriða Inga Stefánssonar:

"Framkvæmd kosninga er á ábyrgð margra aðila, þar með talið sveitarfélaga. Hlutverk og ábyrgð kjörinna fulltrúa felst meðal annars að móta reglur og samþykktir bæjarins.

Sú reglugerð, sem vísað er til í minnisblaði, hefur ekki verið samþykkt og hefur því ekki tekið gildi formlega.

Við framkvæmd sveitarstjórnarkosninga árið 2022 neitaði kjörstjóri að bregðast við athugasemdum um að bregðast við auglýsingum á þeim grundvelli að geta ekki framfylgt kosningalögum, um það var bókað í gerðabók. Sú ábyrgð liggur því hjá þeim aðila sem veitir leyfið fyrir skiltinu.

Engin leið er að tryggja að kosningar séu alltaf í húsnæði á vegum sveitarfélags, á það sérstaklega við um utankjörfund.

Það verður að teljast lágmark að lög séu ekki brotinn með birtingu óleyfilegs efnis og með öllu ótækt að bærinn geti ekki brugðist við slíku. Það er ábyrgð kjörinna fulltrúa að tryggja að það sé hægt.

Tómlæti kjörstjórna og sveitarfélaga við að tryggja heilindi kosninga er óþolandi."

Sigurlaug Kristín Sævarsdóttir, Leó Snær Pétursson, Jane Victoria Appleton taka undir bókunina


Bókun meirihluta umhverfis- og samgöngunefndar:

"Meirihluti umhverfis og samgöngunefndar telur mikilvægt að umræða um ljósaskilti sé skoðuð nánar í ljósi þeirra umhverfis og samgönguáhrifa sem þau hafa. Hvað varðar reglur um auglýsingar á kjördegi er mikilvægt að farið sé að þeim reglum og lögum sem um kosningar gilda."

Bergur Þorri Benjamínsson

Guðjón Ingi Guðmundsson

Svava Halldóra Friðgeirsdóttir

Verklag fyrir umhverfisviðurkenningar 2024 lagt fyrir. Karen Jónasdóttir umhverfisfulltrúi á gatnadeild umhverfissviðs gerir grein fyrir erindinu.

Umhverfis- og samgöngunefnd þakkar kynninguna.

Skilagrein Íslenska gámafélagsins lögð fram og kynnt. Karen Jónasdóttir umhverfisfulltrúi á gatnadeild umhverfissviðs gerir grein fyrir erindinu.

Umhverfis- og samgöngunefnd þakkar kynninguna og fagnar þeim árangri sem hefur náðst í flokkun og aukinni endurvinnslu.

Fyrirspurn frá formanni vegna ólöglega lagðra ökutækja í Dalbrekku.

Umhverfis og samgöngunefnd beinir því til bílastæðasjóðs Kópavogs að tryggja umferðaröryggi þar sem bílum er lagt ólöglega.

Fyrrispurn nefndarfulltrúa vegna umferðaröryggis og hámarkshraða við Kársnesbraut.

Umhverfis og samgöngunefnd beinir þeirri fyrirspurn til Gatnadeildar að skoða möguleika til hraðalækkunar á meðan endanlegt skipulag er í vinnslu. Jafnframt er hvatt til þess að ný hraðamæling verði gerð á svæðinu.

Fyrirspurn frá formanni varðandi umferðaröryggi við gangbrautir í Baugakór.

Umhverfis og samgöngunefnd hvetur til þess að skoðaðir verði mögulegar aðgerðir til að bæta umferðaröryggi í Baugakór.

Fyrirspurn frá formanni varðandi umgengni grenndarstöðva.

Umhverfis og samgöngunefnd ítrekar mikilvægi þess að uppbygging grenndarstöðva verði kláruð og eftirlit með losun þeirra verði viðunandi og eftir reglum.