Umhverfis- og samgöngunefnd - 110. fundur
á Digranesvegi 1, Vatnsenda 1. hæð
Mætt til fundar
Nefndarmenn
- Andri Steinn Hilmarsson - formaður
- Sigurður Sigurbjörnsson - aðalmaður
- Kristín Hermannsdóttir - aðalmaður
- Hreiðar Oddsson - aðalmaður
- Indriði Ingi Stefánsson - aðalmaður
- Erlendur H. Geirdal - áheyrnarfulltrúi
Starfsmenn
- Bjarki Þórir Valberg - starfsmaður nefndar
- Birkir Rútsson - deildarstjóri gatnadeildar
Ritari
- Bjarki Valberg
Dagskrá fundar
Verkefnastjóri hverfisáætlunar gerir grein fyrir hverfisáætlun fyrir Fífuhvamm.
Lagt fram og kynnt. Umhverfis- og samgöngunefnd þakkar fyrir kynninguna.
Deildarstjóri gatnadeildar kynnir stöðu á snjallvæðingu Kópavogsbæjar og gerir grein fyrir tilraunaverkefni við snjallvæðingu ljósastaura í Hólmahverfi.
Lagt fram og kynnt. Umhverfis- og samgöngunefnd þakkar fyrir kynninguna.
Skipulagsráð - 43 (21.1.2019) - Smárinn. Helstu hjóla- og gönguleiðir. Lögð fram samantekt VSÓ ráðgjöf dags. 18. janúar 2019 þar sem farið er yfir helstu hjóla- og gönguleiðir í Smáranum og tengingar við aðliggjandi svæði. Svanhildur Jónsdóttir umferðar- og samgönguverkfræðingur gerir grein fyrir erindinu.
Lagt fram og kynnt. Vísað til umfjöllunar umhverfis- og samgöngunefndar.
Lagt fram og kynnt.
Umhverfis- og samgöngunefnd óskar eftir úttekt frá umhverfissviði á framkvæmdum varðandi göngu- og hjólastíga undanfarin 5 ár og samræmi við samþykktir SSH og hönnunarleiðbeiningar.
Greint frá stöðu mála.
Lagt fram og kynnt.
Lögð fram leiðarvals- og ferðamátakönnun grunnskóla Kópavogs 2018.
Lagt fram og kynnt.
Skipulagsráð - 40 (3.12.2018) - Múlalind 6. Bifreiðastöður í götunni.
Lagt fram erindi lóðarhafa Múlalindar 6 varðandi bifreiðastöður í götunni sem valda erfiðleikum við akstur ökutækja til og frá húsi nr. 6.
Skipulagsráð vísar erindinu til afgreiðslu umhverfis- og samgöngunefndar.
Umhverfis- og samgöngunefnd - 109 (15.1.2019) - Múlalind 6. Bifreiðastöður í götunni.
Skipulagsráð - 40 (3.12.2018) - Múlalind 6. Bifreiðastöður í götunni.
Lagt fram erindi lóðarhafa Múlalindar 6 varðandi bifreiðastöður í götunni sem valda erfiðleikum við akstur ökutækja til og frá húsi nr. 6.
Skipulagsráð vísar erindinu til afgreiðslu umhverfis- og samgöngunefndar.
Lagt fram og kynnt.
Samkvæmt Umferðarlögum 57/1987 er heimilt að leggja við hægri brún götu í akstursstefnu. Hinsvegar er samkvæmt lögreglusamþykkt Kópavogsbæjar óheimilt að leggja eða setja neitt það sem hindrar umferð í götu. Sé bifreið lagt öðru hvoru megin í götu má ekki leggja annarri bifreið á þann veg að umferð sé hindruð.
Umhverfis- og samgöngunefnd beinir þeim tilmælum til íbúa Múlalindar að leggja ekki bifreiðum þannig að umferð sé hindruð. Umhverfis- og samgöngunefnd hafnar því erindi varðandi bifreiðarstöður í götunni. Ökutæki sem hindra umferð má láta fjarlægja á kostnað eigenda til að tryggja neyðarakstur.
Farið yfir stöðu mála.
Frestað.
Umhverfis- og samgöngunefnd - 104 (6.11.2018) - Könnun á gjaldskrá og ferlum Sorpu erindi frá Indriða Stefánssyni.
Lagt fram erindi Indriða Stefánssonar varðandi könnun á gjaldskrá og ferlum Sorpu dags. 14. október 2018.
Umhverfis- og samgöngunefnd vísar erindinu til umhverfissviðs til umsagnar.
Lögð fram umsögn umhverfissviðs dags. 7.2.2019.
Frestað.
Umhverfis- og samgöngunefnd - 104 (6.11.2018) - Gjaldfrjálsar almenningssamgöngur í Kópavogi erindi frá Indriða Stefánssyni
Lagt fram erindi Indriða Stefánssonar varðandi gjaldfrjálsar almenningssamgöngur í Kópavogi dags. 14. október 2018.
Umhverfis- og samgöngunefnd vísar erindinu til umhverfissviðs til umsagnar.
Lögð fram umsögn umhverfissviðs dags. 7.2.2019.
Frestað.