Samráð um stefnur og sáttmála bæjarins
Stefnur og sáttmálar Kópavogsbæjar eru mótaðir í víðtæku samráði við íbúa, starfsfólk og hagaðila, þar sem lögð er rík áhersla á þátttöku til að tryggja að stefnumótun endurspegli raunverulegar þarfir samfélagsins og byggi á sameiginlegri framtíðarsýn.
Menntastefna Kópavogs
Stefnan var unnin í víðtæku samráði við íbúa, börn, foreldra og starfsfólk, þar á meðal kennara, með áherslu á framtíðarsýn til 2030 um menntun og farsæld barna.
Menningarstefna Kópavogs
Íbúasamráð fór fram um framtíðarsýn menningarstarfs í bænum og hvernig styðja megi við fjölbreytt, aðgengilegt og lifandi menningarlíf.
Jafnréttis- og mannréttindastefna Kópavogs
Íbúar komu að mótun stefnu í samráði þar sem lögð var áhersla á að tryggja jafnræði, inngildingu og mannréttindi allra hópa í samfélaginu.
Lýðheilsustefna Kópavogs
Samráð fór fram um heilsu og líðan íbúa með áherslu á forvarnir og aðgengi að heilbrigðum lífsstíl, þar sem íbúar lögðu fram hugmyndir að bættri lýðheilsu og vellíðan.
Samgöngustefna Kópavogs
Íbúar komu að umræðu og mótun sjónarmiða um samgöngur, öryggi og sjálfbæra ferðamáta í bænum.
Barnasáttmálinn í Kópavogi
Innleiðing Barnasáttmála Sameinuðu þjóðanna byggði á virkri þátttöku barna og ungmenna og tryggði að rödd þeirra heyrðist í ákvörðunum sem þau varða.
Heimsmarkmiðin í Kópavogi
Samráð fór fram um hvernig bæjarfélagið vinnur að sjálfbærri þróun í samræmi við Heimsmarkmið Sameinuðu þjóðanna. Leitað var bæði til íbúa og starfsfólks og áhersla lögð á hvernig markmiðin eru innleidd í starfsemi og stefnumótun bæjarins.