Garðlönd
Kópavogsbær leigir út reiti til matjurtaræktunar. Skilyrði fyrir úthlutun garðlands er að eiga lögheimili í Kópavogi.
Leiga fyrir 25 fermetra garðland er á 7.066 kr. og er hægt að leigja tvo reiti. Skiltum er komið fyrir sem sýna lista yfir leigjendur og legu garða.
Hvernig virkar þetta?
Leigjendur verða sjálfir að útvega sér áburð og plöntur.
Aðgangur að vatni er að finna á öllum stöðunum. Einnig eru verkfæri á staðnum, til dæmis:
- Skóflur
- Gafflar
- Hrífur
- Vatnskönnur
- Hjólbörur
Ekki er hægt að tryggja nóg sé í boði fyrir öll.
Hluti garðlandanna er hugsaður fyrir þau sem vilja rækta fjölært grænmeti eins og:
- Rabarbara
- Graslauk og aðra lauka
- Skessujurt og fleira.
Þeir skikar eru ekki plægðir á hverju vori eins og hin garðlöndin. Leigjendur sjá sjálfir um að stinga þá upp á vorin. Þau sem óska eftir slíkum garði þurfa að taka það fram í umsókninni.
Staðsetning garðlanda
Opnað var fyrir umsóknir í mars 2026.
- Við Geðræktarhúsið að Kópavogsgerði 8.
- Í trjásafninu neðan Kjarrhólma í austanverðum Fossvogsdal.
- Neðan við skólagarða í Víðigrund í vestanverðum Fossvogsdal.
- Ofan við leikskólann Núp við Núpalind.
- Við Guðmundarlund á Vatnsenda.
Skólagarðar
Skólagarðar Kópavogs bjóða börnum á aldrinum 6-13 ára upp á tækifæri til að rækta sitt eigið grænmeti.