Bæjarráð - 2898. fundur

Frá bæjarstjóra, umræða um leiðarkerfisbreytingar Strætó.

Lagt fram.

Frá bæjarritara, dags. 6. janúar, lagður fram listi með 100 hugmyndum úr verkefninu Okkar Kópavogur sem óskað er eftir að bæjarráð samþykki.

Jafnframt eru lögð fram eftirfarandi gögn sem óskað er eftir samþykki bæjarráðs fyrir : erindisbréf kjörstjórnar og reglur um rafrænar kosningar.

Bæjarráð samþykkir með fimm atkvæðum lista yfir 100 verkefni sem fari í íbúakosningu.

Þá samþykkir bæjarráð með fimm atkvæðum erindisbréf kjörstjórnar, skipun hennar og reglur um rafrænar kosningar.

Birkir Jón Jónsson lagði fram eftirfarandi bókun:

"Ég óska eftir skriflegum rökstuðningi er varðar val á verkefnum og kynningu á verkferlinu á næsta fundi bæjarráðs.

Birkir Jón Jónsson"

Frá Mannvirkjastofnun, dags. 4. janúar, lagt fram erindi er varðar gildistíma brunavarnaráætlunar Kópavogs og því komið á framfæri við sveitarfélagið að brunavarnaráætlun bæjarins sé fallin úr gildi.

Bæjarráð vísar erindinu til stjórnar slökkviliðs höfuðborgarsvæðisins til úrvinnslu.

Frá Sambandi íslenskra sveitarfélaga, dags. 18. desember, lagt fram boð á ráðstefnu um norrænt samstarf í menningarmálum í Malmö 8.-9. maí nk.

Lagt fram.

Frá Sögufélagi Kópavogs, dags. 21. desember, lögð fram beiðni um styrk vegna útgáfu bókar um Sunnuhlíðarsamtökin.

Bæjarráð vísar erindinu til bæjarritara til umsagnar.

Frá Umboðsmanni Alþingis, dags. 29. desember, lögð fram fyrirspurn vegna frumkvæðisathugunar á húsnæðisvanda utangarðsfólks.

Bæjarráð vísar erindinu til bæjarlögmanns til úrvinnslu.

Fundargerð í 3 liðum.

Lagt fram.