Okkar Kópavogur 2017-2019

Frá deildarstjóra framkvæmdadeildar, dags. 5. mars, lagt fram yfirlit um stöðu verka sem kosin voru inn í verkefnið Okkar Kópavogur 2018-2019.

Lagt fram.

Frá sviðsstjóra umhverfissviðs, dags. 18. september, lagt fram erindi er varðar stöðu verka varðandi Okkar Kópavogur 2018-2019.

Frá sviðsstjóra umhverfissviðs, dags. 18. september, lagt fram erindi er varðar stöðu verka varðandi Okkar Kópavogur 2018-2019.

Lagt fram.

Frá verkefnastjóra hverfisskipulags, dags. 6. febrúar, lagðar fram niðurstöður rafrænna kosninga í Okkar Kópavogi 2018.

Bæjarráð staðfestir niðurstöðu íbúakosningar með fimm atkvæðum.

Frá garðyrkjustjóra og skipulagsfræðingi á umhverfissviði, dags. 15. janúar, lagt fram bréf til bæjarráðs ásamt tveimur fylgigögnum vegna bókunar á síðasta fundi bæjarráðs.

Lagt fram.

Birkir Jón Jónsson þakkar framlögð svör.

Frá bæjarritara, dags. 6. janúar, lagður fram listi með 100 hugmyndum úr verkefninu Okkar Kópavogur sem óskað er eftir að bæjarráð samþykki.

Jafnframt eru lögð fram eftirfarandi gögn sem óskað er eftir samþykki bæjarráðs fyrir : erindisbréf kjörstjórnar og reglur um rafrænar kosningar.

Bæjarráð samþykkir með fimm atkvæðum lista yfir 100 verkefni sem fari í íbúakosningu.

Þá samþykkir bæjarráð með fimm atkvæðum erindisbréf kjörstjórnar, skipun hennar og reglur um rafrænar kosningar.

Birkir Jón Jónsson lagði fram eftirfarandi bókun:

"Ég óska eftir skriflegum rökstuðningi er varðar val á verkefnum og kynningu á verkferlinu á næsta fundi bæjarráðs.

Birkir Jón Jónsson"

Frá verkefnastjóra hverfisskipulags, dags. 21. ágúst, lögð fram verkefnalýsing og kostnaðaráætlun fyrir lýðræðisverkefnið Okkar Kópavog.

Lagt fram.

Bókun:

Ég tel nauðsynlegt að endurskoða verkefnið Okkar Kópavogur. Íbúar eiga ekki að þurfa að berjast fyrir því í íbúakosningu að sjálfsögðum verkefnum sé sinnt s.s. að bæjarfélagið gangi sómasamlega frá skólalóðum við Vatnsendaskóla, Hörðuvallaskóla eða hugi að brýnum umferðaröryggismálum.

Birkir Jón Jónsson

Fundarhlé hófst kl. 8.38, fundi fram haldið kl. 8.54.

Bókun:

Íbúalýðræðisverkefnið Okkar Kópavogur er í stöðugri þróun. Hugmyndafræðin á bak við það er að íbúar forgangsraði verkefnum og komi þannig beint að ákvörðunum og er það í anda íbúalýðræðis. Engu að síður er verið að framkvæma fjölmörg önnur verkefni á vegum bæjarins bæði á skólalóðum og að bættu umferðaröryggi. Til að mynda er búið að setja fram metnaðarfullar áætlanir um skemmtilegri leik- og grunnskólalóðir sem markvisst er unnið eftir. Þá er verið að vinna samgöngustefnu sem mun skila úrbótatillögum í umferðaröryggismálum til næstu ára og verður óskað eftir þátttöku íbúa við gerð hennar enda hafa þekkja þeir sitt nærumhverfi best.

Theódóra S. Þorsteinsdóttir, Ármann Kr. Ólafsson og Karen E. Halldórsdóttir.

Frá verkefnastjóra hverfisskipulags, dags. 7. júlí, lagt fram erindi með tillögum í þremur liðum vegna verkefnisins Okkar Kópavogur (hverfaskipting, fjöldi hugmynda í kosningu í hverju hverfi og heildarfjármagn í framkvæmdir verkefna).

Bæjarráð vísar málinu aftur til stýrihópsins til frekari útfærslu.

Frá verkefnastjóra hverfisskipulags, dags. 28. apríl, lagt fram erindi þar sem óskað er eftir heimild bæjarráðs til að setja verkefnið Okkar Kópavogur aftur af stað með sambærilegum hætti og síðast og að verkefninu verði úthlutað 200 m.kr. í framkvæmdir á þeim verkefnum sem íbúar Kópavogs kjósa áfram.

Bæjarráð samþykkir með fimm atkvæðum að vinna að undirbúningi verkefnisins "Okkar Kópavogur" fari aftur af stað og vísar fjárhagsliðum erindisins til gerðar fjárhagsáætlunar.