Bæjarráð - 2963. fundur

Frá bæjarstjóra, lagður fram samstarfssamningur milli Kópavogsbæjar, félags- og barnamálaráðuneytis, Unicef á Íslandi og Köru connect ehf. um aukna velferð barna á Íslandi. Markmið samningsins er tvíþætt. Annars vegar þróunarverkefni sem tryggir heildarsýn yfir líðan og velferð barns m.a. með sértækum hugbúnaði og hins vegar vinna við mælaborð með tölfræði og upplýsingum um almenna líðan og velferð barna í sveitarfélagi.

Bæjarráð samþykkir framlagðan samstarfssamning með fimm atkvæðum.

Frá bæjarstjóra, dags. 18. júní, lagt fram erindi um rammasamning Ríkiskaupa um innkaup á húsgögnum þar sem lagt er til að Kópavogsbær verði ekki hluti af þeim rammasamnningi.

Frestað.

Frá lögfræðideild, dags. 12. júní. lögð fram umsögn um breytingu á samþykkt um stöðuleyfi gáma í Kópavogi og gjaldskrá um sama efni sem var samþykkt á fundi umhverfis- og samgögnunefndar þann 26. febrúar sl. og vísað til afgreiðslu bæjarráðs. Bæjarráð frestaði máliu á fundi sínum þann 20. júní sl. Lagt fram minnisblað frá umhverfisfulltrúa dags. 26. júní vegna málsins.

Bæjarráð samþykkir erindið með fimm atkvæðum.

Frá sviðsstjóra umhverfissviðs, dags. 26. júní, lagt fram erindi ásamt skýrslu Mannvits um val á verktaka í kjölfar verðtilboða í klórkerfi fyrir Salalaug. Lagt er til að gengið verði til samninga við Vatnslausnir ehf. um lokað klórkerfi.

Bæjarráð samþykkir með fimm atkvæðum að gengið verði til samninga við Vatnslausnir ehf.

Frá sviðsstjóra menntasviðs, dags. 25. júní, lögð fram umsögn í tilefni af erindi frá íbúum í Þingahverfi varðandi sparkvöll í hverfinu.

Bæjarráð samþykkir erindið með fimm atkvæðum.

Frá verkefnastjóra íbúatengsla, dags. 25. júní, lagt fram til kynningar erindi um íbúasamráðsverkefni Sambands íslenskra sveitarfélaga og Akureyrarkaupstaðar sem Kópavogsbær sótti um aðild að og hefur verið valinn til þátttöku.

Lagt fram.

Frá verkefnastjóra íbúatengsla, dags. 25. júní, lögð fram til samþykktar verkefnislýsing fyrir Okkar Kópavog 2019-2021.

Bæjarráð samþykkir með fimm atkvæðum framlagða verkefnislýsingu fyrir Okkar Kópavog 2019-2021.

Frá Árkór ehf., dags. 25. júní, lögð fram beiðni um endurmat á byggingarstigi Fannborgar 2 þar sem óskað er eftir að byggingarstig hússins verði fokhelt.

Bæjarráð samþykkir erindið með fimm atkvæðum.

Frá Skákstyrktarsjóði Kópavogs, lagt fram erindi þar sem óskað er eftir fjárstuðningi við barna- og unglingastarf skákstarfs í Kópavogi.

Bæjarráð samþykkir með fimm atkvæðum að vísa erindinu til gerðar fjárhagsáætlunar.

Fundargerð í 6. liðum.

Bæjarráð staðfestir afgreiðslur byggingarfulltrúa.

Fundargerð í 9 liðum.

Lagt fram.

Fundargerð í 2 liðum.

Lagt fram.

Fundargerð í 7 liðum.

Lagt fram.

Frá bæjarfulltrúum Pírata, Samfylkingar og BF Viðreisnar, lögð fram fyrirspurn um gæðastjórnunarkerfi þar sem óskað er eftir upplýsingum um eftirfarandi:

Upplýsinga um innri úttektir sem farið hefur verið í á undanförnum tveimur árum, innihald matsskýrslna og úrbótaáætlanir.

Upplýsinga um niðurstöður rýnifunda stjórnenda og úrbótaáætlanir sem gerðar hafa verið í kjölfarið.

Upplýsinga um fyrirætlanir um að uppfæra gæðastjórnunarkerfið til samræmis við nýja útgáfu staðalsins og fá vottun á það. Ef það stendur til, þá hvaða tímaramma verið er að vinna með.

Upplýsinga um samspil núverandi gæðastjórnunarkerfis, stefnumótunarvinnu sem staðið hefur yfir hjá bænum til margra ára og innleiðingar Heimsmarkmiða Sameinuðu þjóðanna um sjálfbæra þróun.

Bæjarráð samþykkir að vísa erindinu til umsagnar sviðsstjóra stjórnsýslusviðs.

Frá bæjarfulltrúum Pírata, Samfylkingar og BF Viðreisnar, lögð fram fyrirspurn um mótun menntastefnu fyrir Kópavogsbæ þar sem óskað er eftir upplýsingum um framvindu mótunar heildarstefnu um málefni grunnskóla, leikskóla, frístunda og íþrótta fyrir kjörtímabilið. Bæjarfulltrúar BF Viðreisnar, Samfylkingar og Pírata óska eftir því að fá verkefnastjóra stefnumótunar í menntamálum á fund bæjarráðs til þess að fara yfir stöðuna á verkefninu, það er hvernig verkefnið hefur verið unnið, við hverja búið er að hafa samráð og hvort bæjarfulltrúar komi að greiningarvinnu í því ferli.

Bæjarráð samþykkir að vísa erindinu til umsagnar sviðsstjóra menntasviðs.

Frá bæjarfulltrúum Pírata, Samfylkingar og BF Viðreisnar, lögð fram fyrirspurn um mælingar á frammistöðu tengt stefnumótun bæjarins þar sem óskað er eftir upplýsingum um framvindu á nýju skorkorti fyrir Kópavog er varðar félagslegar framfarir með aðferðafræði vísitölu félagslegra framfara (VFF).

Bæjarráð vísar erindinu til umsagnar sviðsstjóra stjórnsýslusviðs.

Fundarhlé hófst kl. 9:57, fundi fram haldið kl. 10:01