Bæjarráð - 2958. fundur

Frá fjármálastjóra og rekstrarstjóra menntasviðs, dags. 7. maí, lagt fram erindi um húsnæðismál tónlistarskólans Tónsala þar sem lögð eru til kaup húsnæðis að Ögurhvarfi 4a og útleiga til tónlistarskólans í kjölfarið. Bæjarráð frestaði afgreiðslu málsins til næsta fundar á fundi sínum þann 9. maí sl. Einnig er lagt fram minnisblað frá sviðsstjóra menntasviðs, dags. 14. maí, um umferðaröryggi og samgöngur vegna aðgengis að Ögurhvarfi 4a.

Bæjarráð samþykkir að fela bæjarstjóra að ganga til samninga við Tónlistarskólann Tónsali um fyrirkomulag húsnæðismála skólans. Málið komi að nýju fyrir næsta fund bæjarráðs.

Frá sviðsstjóra menntasviðs, dags. 2. maí, lögð fram til samþykktar tillaga að gjaldskrá um framlög vegna frístundar í einkaskólum.

Bæjarráð vísar málinu til afgreiðslu bæjarstjórnar.

Frá verkefnastjóra stjórnsýslusviðs, dags. 8. maí, lögð fram tillaga að afgreiðslu umsóknar Skíðadeildar ÍR um styrk til greiðslu fasteignaskatts. Lagt er til að styrkumsókn að upphæð kr. 979.050,-. verði samþykkt enda fellur starfsemi félagsins að reglum Kópavogsbæjar um styrkveitingar.

Bæjarráð samþykkir með fimm atkvæðum umsókn Skíðadeildar ÍR til greiðslu fasteignaskatts að upphæð kr. 979.050.-.

Frá sviðsstjóra umhverfissviðs, dags. 14. maí, lagt fram erindi þar sem óskað er heimildar bæjarráðs til að fara í útboð vegna gatnagerðar við Vesturvör, Litluvör og Naustavör á Kársnesi.

Bæjarráð samþykkir með fimm atkvæðum að heimila útboð á verkinu "Vesturvör, Litlavör, Naustavör, gatnagerð og lagnir".

Frá skákfélaginu Hróknum, lögð fram beiðni um stuðning við hátíð fyrir börn í Tasiilaq vinabæ Kópavogs á Grænlandi að fjárhæð kr. 600.000. Einnig er óskað eftir fundi með sveitarfélaginu um önnur úrræði til að sýna íbúum Tasiilaq stuðning.

Bæjarráð samþykkir með fimm atkvæðum að veita kr. 400.000,- til verkefnisins. Jafnframt er tekið jákvætt í ósk um fund.

Frá mennta- og menningarmálaráðuneyti, dags. 2. maí, lögð fram stefna ráðuneytisins í íþróttamálum.

Bæjarráð vísar erindinu til afgreiðslu sviðsstjóra menntasviðs.

Frá Arnari Ágústi Karlssyni, dags. 7. maí, lagt fram erindi um styrk vegna þátttöku í Ólympíuleikum í stærðfræði sem fer fram í Bretlandi dagana 11-22. júlí.

Bæjarráð vísar málinu til starfsmannastjóra til afgreiðslu.

Frá þjálfara liðs Íslands í Ólympíuleikum í líffræði f.h. Hafdísar Óskar Hrannarsdóttur, dags. 8. maí, lagt fram erindi um styrk vegna þátttöku á Ólympíuleikum í líffræði sem fer fram í Ungverjalandi í sumar.

Bæjarráð vísar málinu til starfsmannastjóra til afgreiðslu.

Frá íbúum Þingahverfis, lagt fram erindi ásamt undirskriftarlista þar sem óskað er eftir að settur verði upp sparkvöllur í hverfinu.

Bæjarráð samþykkir að vísa erindinu til sviðsstjóra menntasviðs til úrvinnslu.

Frá SSH, dags. 7. maí, lögð fram tillaga að samkomulagi aðildarsveitarfélaga SSH um tæknilegan og fjárhagslegan undirbúning vegna lagningar Borgarlínu, sem var samþykkt á fundi stjórnar SSH þann 6. maí sl. og vísað til afgreiðslu aðildarsveitarfélaga.

Bæjarráð samþykkir að vísa málinu til afgreiðslu bæjarstjórnar.

Fundargerð í 11. liðum.

Vísað til afgreiðslu bæjarstjórnar

Fundargerð í 6. liðum.

Lagt fram

Fundargerð í 2. liðum.

Lagt fram

Fundargerð í 5. liðum.

Lagt fram

Fundargerð í 3. liðum.

Lagt fram

Fundargerð í 7. liðum.

Lagt fram

Fundargerð í 5. liðum.

Lagt fram

Fundargerð í 6. liðum.

Lagt fram

Fundargerð í 14. liðum.

Lagt fram.