Bæjarráð - 3031. fundur

Kynning á Lyklafellslínu.

Kynning.

Frá fjármálastjóra, lögð fram mánaðarskýrsla vegna nóvember. Einnig lagt fram yfirlit yfir ábendingar á árinu 2020 sem borist hafa til allra sviða bæjarins og hvernig og hvenær ábendingum var svarað og hvernig og hvenær brugðist var við þeim, er barst á fundi bæjarráðs 12. nóvember sl.

Lagt fram.

Frá bæjarstjóra, dags. 12. desember, lagt fram erindi ásamt minnisblaði verkefnastjóra íbúatengsla um stofnun stýrihóps um íbúasamráð frá 8. janúar.

Bæjarráð samþykkir með fimm atkvæðum tillögu bæjarstjóra um fyrirkomulag vinnu við íbúasamráð.

Frá deildarstjóra framkvæmdadeildar, dags. 7. janúar, lagt fram erindi þar sem óskað er heimildar til að bjóða út í opnu útboði byggingu á miðlunartanki í Silfursmára.

Bæjarráð samþykkir með fimm atkvæðum umbeðna heimild til útboðs.

Frá sviðsstjóra umhverfissviðs, dags. 30. desember, lagt fram erindi þar sem óskað er heimildar bæjarráðs til að fara í opið útboð á endurnýjun lýsingar í aðalsal íþróttahússins Digraness.

Bæjarráð samþykkir með fimm atkvæðum umbeðna heimild til útboðs.

Frá sviðsstjóra umhverfissviðs, dags. 30. desember, lagt fram erindi þar sem óskað er heimildar til að fara í opið útboð á endurnýjun lýsingar í knattspyrnuhöllinni Fífunni við Dalsmára.

Bæjarráð samþykkir með fimm atkvæðum umbeðna heimild til útboðs.

Karen E. Halldórsdóttir vék af fundi kl. 10:02 og tók Margrét Friðriksdóttir sæti á fundinum.

Frá lögfræðideild, dags. 11. janúar, lagt fram svar við fyrirspurn um hvaða reglur gilda varðandi styrki til stjórnmálaflokka í formi kaupa á auglýsingum.

Lagt fram.

Bókun:

Óska eftir upplýsingum um hvaða stjórnmálaflokkar hafa hlotið auglýsingastyrk frá Kópavogsbæ á þessu kjörtímabili og því síðasta, og upphæð þeirra.

Sigurbjörg E. Egilsdóttir

Bókun bæjarráðs:

Bæjarráð felur bæjarritara að uppfæra reglur um styrki til stjórnmálaflokka.

Frá verkefnastjóra íbúatengsla, dags. 11. janúar, lagt fram minnisblað um undirskrift viljayfirlýsingar vegna þátttöku í alþjóðlegu samstarfi sem snýr að íbúasamráði, heimsmarkmiðum og loftlagsbreytingum.

Bæjarráð lýsir með fimm atkvæðum yfir vilja sínum að að taka þátt í verkefninu án fjárhagslegra skuldbindinga.

Frá verkefnastjóra lýðheilsumála, dags. 11. janúar, lögð fram skýrsla vegna innleiðingar Barnasáttmála Sameinuðu þjóðanna hjá Kópavogsbæ.

Lagt fram.

Frá vinnutímanefnd Torgs og Torfu, dags. 11. janúar, lagðar fram niðurstöður kosninga um útfærslu á styttingu vinnuvikunnar fyrir starfsmenn bæjarskrifstofa og menningarhúsa. Einnig lagðar fram niðurstöður um styttingu vinnuvikunnar í Þjónustumiðstöð, dags. 11. janúar. Tillögurnar eru lagðar fram til afgreiðslu bæjarráðs.

Bæjarráð samþykkir með fimm atkvæðum framlagðar niðurstöður um styttingu vinnuvikunnar.

Frá SSH, dags. 9. desember, lagt fram erindi um starfrænt ráð sveitarfélaga sem vísað var til efnislegrar afgreiðslu aðildarsveitarfélaga á stjórnarfundi SSH þann 7. desember sl. Bæjarráð frestaði afgreiðslu málsins á fundi sínum þann 17. desember sl.

Bæjarráð leggur til að gerður verði formlegur samningur um samstarfið þar sem markmið samstarfsins og afurðir verða skilgreind nánar. Erindið verði tekið fyrir að nýju í bæjarráð þegar samningur um verkefnið liggur fyrir.

Frá Markaðsstofu Kópavogs, dags. 5. janúar, lagt fram erindi um stofnun Atvinnu- og nýsköpunarseturs í Kópavogi. Bæjarráð frestaði málinu á fundi sínum þann 7. janúar sl.

Bæjarráð samþykkir erindið með fimm atkvæðum og felur bæjarritara að undirbúa viðauka við fjárhagsáætlun til framlagningar í bæjarstjórn.

Fundargerð í 1 lið.

Lagt fram.

Fundargerð í 10 liðum.

Lagt fram.

Fundargerð í 8 liðum.

Lagt fram.