Bæjarráð - 3232. fundur

Frá Heilbrigðiseftirliti, dags. 30.09.2025, lögð fram til samþykktar bæjarráðs og bæjarstjórnar fjárhagsáætlun fyrir árið 2026 og gjaldskrá.

Bæjarráð frestaði erindinu 02.10.2025 og óskar eftir að fá á fund sinn framkvæmdastjóra Heilbrigðiseftirlitsins og fulltrúa Kópavogsbæjar í stjórn Heilbrigðiseftirlitsins vegna málsins.

Lagt fram og kynnt.

Umræður.

Gestir viku af fundi kl. 8:49

Bæjarráð vísar fjárhagsáætlun og gjaldskrá fyrir árið 2026 til staðfestingar bæjarstjórnar.

Frá SSH, dags. 15.10.2025, lögð fram bókun um samráðshóp um vatnsvernd og vatnsnýtingu á höfuðborgarsvæðinu. Óskað er eftir að tillit verði tekið hennar í fjárhagsáætlunargerð sveitarfélagsins fyrir árið 2026.

Bæjarráð samþykkir með fimm atkvæðum að vísa málinu til gerðar fjárhagsáætlunar.

Frá efnahags- og viðskiptanefnd. dags. 17.10.2025, lagt fram til umsagnar tillögu til þingsályktunar um dreifingu starfa, 152. mál. Frestur til að senda inn umsögn er til og með 30. október nk.

Lagt fram.

Frá umhverfis- og samgöngunefnd Alþingis, dags. 15.10.2025, lagt fram til umsagnar frumvarp til laga um sveitarstjórnarlög (fjöldi fulltrúa í sveitarstjórn), 81. mál. Frestur til að senda inn umsögn er til og með 29. október nk.

Lagt fram.

Frá umhverfis- og samgöngunefnd sendir til umsagnar tillögu til þingsályktunar um tilraunaverkefni um lokun vegkafla sem áformað er að setja undir borgarlínu, 62. mál.Frestur til að senda inn umsögn er til og með 30. október nk.

Lagt fram.

Frá eigendum íbúðarhúss að Lækjarbotnalandi 53D, lögð fram beiðni um að lóðarleigusamningur verði endurskoðaður.

Bæjarráð samþykkir með fimm atkvæðum að vísa málinu til umsagnar lögfræðiþjónustu.

Fundargerð í sjö liðum.

Lagt fram.

Fundargerð í 17 liðum.

Lagt fram.

Fundargerð í 11 liðum.

Lagt fram.

Fundargerð í fjórum liðum.

Lagt fram.

Umræður.

Theódóra S. Þorsteinsdóttir og Helga Jónsdóttir óska eftir frestun á máli nr. 1 2402380 - Stúka HK Kórinn

Hafnað með þremur atkvæðum gegn atkvæðum Theódóru S. Þorsteinsdóttur og Helgu Jónsdóttur.


Fundarhlé hófst kl. 10:06, fundi fram haldið kl. 12:29


Bókun:

"Meirihlutinn bendir á að innkaupanefnd hefur heimild til fullnaðarafgreiðslu í málinu. Sú afgreiðsla liggur fyrir og meirihlutinn styður þá afgreiðslu. Verkefnið á sér langan aðdraganda og var samþykkt í fjárhagsáætlun 2025. Verkefnið var kynnt í bæjarráði þann 20. febrúar 2025 ásamt öllum gögnum þess. Þar var ferill málsins rakinn og farið yfir kostnaðargreiningu, fjármögnun og rekstrarkostnað. Í afgreiðslu innkaupanefndar felst engin fjárhagsleg skuldbinding af hálfu bæjarins, heldur einungis heimild til að auglýsa eftir áhugasömum aðilum. Skrifstofa áhættu- og fjárstýringar mun uppfæra greiningar á fjárhagslegum áhrifum verkefnisins samhliða því sem áætlanir skýrast og verkefninu vindur fram."

Andri Steinn Hilmarsson

Hjördís Ýr Johnson

Orri V. Hlöðversson


Bókun:

"Það er hlutverk bæjarráðs að hafa eftirlit með stjórnsýslu bæjarins. Í samkeppnisviðræðum er markmiðið að þróa hagkvæmustu launsina í samstarfi við tilboðsgjafa. Verklagsreglur í slíkum viðræðum þurfa að vera skýrar, hver markmiðin eru og hverjir vinna að samningagerð fyrir Kópavogsbæ. Uppfæra þarf umsögn sviðsstjóra frá því í febrúar til að hún sé í samræmi við forvalsskilmálana og taki á hlutverki bæjarráðs í eftirliti með útboðsvinnunni."

Sigurbjörg E. Egilsdóttir

Hákon Gunnarsson

Helga Jónsdóttir

Theódóra S. Þorsteinsdóttir


Bókun:

"Enn og aftur fer Kópavogsbær af stað með vanbúið mál í opinberum innkaupum. Undirbúningur er með öllu ófullnægjandi rétt eins og fyrir framkvæmd við byggingu Barnaskóla Kársness og fleiri framkvæmdir á vegum Kópavogsbæjar. Innkaupanefnd hefur aðeins heimild til fullnaðarafgreiðslu ef ákvörðunin rúmast innan fjárhagsáætlunar. Svo er ekki í þessu tilfelli. Útboðsgögn eru ekki í samræmi við þau gögn sem kynnt voru í bæjarráði fyrir 9 mánuðum. Upplýsingar um hagrænt og fjárhagslegt mat eru ófullnægjandi. Það að auglýsa fyrst forval og kalla svo eftir uppfærðum greiningum á fjárhagslegum áhrifum er óábyrg fjármálastjórn."

Theódóra S. Þorsteinsdóttir


Bókun:

"Við vísum í fyrri bókun þar sem kemur fram að málið hefur verið unnið í samræmi við samþykktir bæjarins. Þar kemur jafnframt fram að verkefnið felur á þessu stigi ekki í sér fjárhagslega skuldbindingu og greiningar verða uppfærðar eftir því sem verkefnið þróast."

Andri Steinn Hilmarsson

Hjördís Ýr Johnson

Orri V. Hlöðversson


Bókun:

"Um leið og bjóðendur skila fullnægjandi gögnum í forvali og eru valdir áfram í viðræður er stigið fyrsta skrefið í átt að samningsgerð, með tilheyrandi skuldbindingu fyrir sveitarfélagið. Því skiptir vandaður undirbúningur á þessu stigi raunverulega máli.

Kjarni málsins er ekki hvort auglýsing forvals teljist tæknilega skuldbinding eða ekki, heldur að hér er um stóra og kostnaðarsama framkvæmd að ræða þar sem eðlilegur og vandaður undirbúningur á undan dregur úr áhættu og kostnaði síðar. Samkeppnisviðræður móta ramma verkefnisins, væntingar á markaði og vægi valforsenda. Reynslan hefur sýnt að ófullnægjandi undirbúningur leiðir til tafa og aukakostnaðar. Að mati undirritaðra er því rétt að undirbúa málið betur áður en haldið er af stað."

Sigurbjörg E. Egilsdóttir

Hákon Gunnarsson

Helga Jónsdóttir

Theódóra S. Þorsteinsdóttir


Bókun:

"Fullyrðingar um skort á upplýsingum eða undirbúningi eiga sér ekki stoð ef horft er til gagna málsins."

Orri Hlöðversson

Hjördís Ýr Johnson

Andri Steinn Hilmarsson


Bókun:

"Okkur greinir á um hvað telst til fullnægjandi upplýsinga. Það er óábyrgt að fara af stað í jafnviðamikið verkefni og hér um ræðir með þau gögn sem nú liggja fyrir."

Sigurbjörg E. Egilsdóttir

Hákon Gunnarsson

Helga Jónsdóttir

Theódóra S. Þorsteinsdóttir

Fundargerð í þremur liðum.

Lagt fram.

Fundargerð 519. fundar stjórnar Sorpu bs. frá 08.09.2025.

Lagt fram.

Fundargerð 520. fundar stjórnar Sorpu bs. frá 22.09.2025.

Lagt fram.

Fundargerð 521. fundar stjórnar Sorpu bs. frá 13.10.2025.

Lagt fram.

Fundargerð 430. fundar Samstarfsnefndar skíðasvæða höfuðborgarsvæðisins frá 01.10.2025.

Umræður. Bæjarráð frestaði umfjöllun fundargerðarinnar 09.10.2025.

Lagt fram.

Fundargerð 986. fundar stjórnar Sambands íslenskra sveitafélaga frá 10.10.2025.

Lagt fram.

Frá bæjarfulltrúa Vina Kópavogs, dags. 07.10.2025, lögð fram tillaga varðandi þróunarsvæðið á vestanverðu Kársnesi. Tillögunni fylgir greinargerð. Bæjarráð frestaði erindinu á fundi sínum 9. október sl.

Bæjarráð samþykkir með fimm atkvæðum framlagða tillögu.

Mál tekið inn með afbrigðum.

Lögð fram tillaga frá bæjarfulltrúa Pírata þar sem óskað er eftir umsögn um feril máls nr. 2508729 „Framtíðin í fyrsta sæti- grunnskólatillögur“.

Tillaga:

"Bæjarráð felur bæjarrita að taka saman umsögn um feril máls nr. 2508729 „Framtíðin í fyrsta sæti - grunnskólatillögur“. Samkvæmt dagskrá menntaráðs 19. ágúst sl. var málið lagt fram til kynningar, en var síðan afgreitt á fundinum þrátt fyrir andmæli menntaráðsfulltrúa, bæði á fundinum sjálfum og strax í kjölfar fundarins í tölvupósti til formanns og ritara frá öðrum fulltrúa. Óskað er eftir umfjöllun um hvort málsmeðferðin hafi verið í samræmi við samþykkt samráðs- og vinnuferli. Þá er óskað eftir afstöðu til þess hvort gætt hafi verið að hlutverki menntaráðs í málsmeðferð við framlagningu útfærslu á samræmdum matskvörðum undir sama málsnúmeri, sem menntaráð fékk aðeins til kynningar en ekki afgreiðslu."

Sigurbjörg E. Egilsdóttir

Bæjarráð samþykkir framlagða tillögu.