Bæjarráð - 3119. fundur

Frá sviðsstjórum umhverfis - og menntasviðs, dags. 13.02.2023, lagt fram svar við fyrirspurn bæjarfulltrúa um langtímaáætlun er varðar uppbyggingu á grunnskólum og leikskólum í Kópavogi.

Lagt fram.

Frá deildarstjóra innkaupadeildar, dags. 06.02.2023, lögð fram beiðni um heimild bæjarráðs til að bjóða út gatnagerð við Dalveg 30.

Bæjarráð frestaði erindinu 09.02.2023.

Bæjarráð samþykkir umbeðna heimild með þrem atkvæðum gegn atkvæðum Helgu Jónsdóttur og Einars A. Þorvarðarsonar.

Fundarhlé hófst kl. 9:05, fundi fram haldið kl. 9:30.

Bókun:

"Á fundi skipulagsráðs 5. desember sl.var samhljóða samþykkt að efna til fundar með íbúum og hagaðilum vegna skipulagsmála er tengjast Dalvegi. Fara á yfir heildarmyndina, hljóðvist, ljósmengun, aðgengi o.s.f. Sérstök áhersla verði lögð á kynningu á fyrirhuguðum umferðarlausnum á svæðinu.“ Meðan slíkur fundur hefur ekki verið haldinn og ekki kallað eftir viðhorfum íbúa, verður ekki samþykkt að einstök verkefni fari í útboð."

Helga Jónsdóttir

Einar Þorvarðarson

Bergljót Kristinsdóttir

Sigurbjörg Erla Egilsdóttir


Bókun:

"Útboðið sem um ræðir byggir á staðfestu deiliskipulagi á svæðinu þar sem meðal annars umferðagreining lá til grundvallar og fór í gegnum lögbundið kynningarferli. Umræddur kynningarfundur verður haldinn þegar endanleg útfærsla liggur fyrir efst á Dalvegi í samræmi við ákvörðun skipulagsráðs."

Orri V. Hlöðversson

Ásdís Kristjánsdóttir

Hjördís Ýr Johnson

Hannes Steindórsson

Frá lögfræðideild, dags. 13.02.2023, lögð fram beiðni til bæjarráðs að gengið verði til samninga við lægstbjóðanda um ræstingar í Sundlaugum Kópavogs.

Bæjarráð samþykkir með fjórum atkvæðum og hjásetu Einars A. Þorvarðarsonar að gengið verði til samninga við Sólar ehf.

Frá Skipulagsfulltrúa, dags. 13. febrúar 2023, lagt fram svar við fyrirspurn Theódóru S. Þorsteinsdóttur frá 26. janúar 2023.

Fundarhlé hófst kl. 9:59, fundi fram haldið kl. 10:55.

Tillaga Helgu Jónsdóttur, Sigurbjargar E. Egilsdóttur, Bergljótar Kristinsdóttur og Einars A. Þorvarðarsonar:

Lagt er til að fyrirspurninni verði vísað til baka með ósk um skýrari svör. Í minnisblaðinu er ekki svar við fyrirspurninni um hvaðan ósk um fjölgun íbúða á Nónhæð er komin. Mikilvægt er að fá svör, sérstaklega í ljósi þess að skipulagsráð hafnaði þann 7. september 2020 ósk lóðarhafa um fjölgun íbúða úr 140 í 151 enda samræmdist hún ekki fyrra aðalskipulagi. Einnig er nauðsynlegt að fá skýrt svar við því hvernig athygli kjörinna fulltrúa var beint að tillögu um þessa fjölgun íbúða fyrir afgreiðslu nýs aðalskipulags.

Bæjarráð samþykkir tillöguna með fimm atkvæðum.


Bókun:

"Meirihlutinn telur að minnisblað umhverfissviðs sé ítarlegt og vel unnið út frá fyrirliggjandi gögnum. Hins vegar teljum við ekkert því til fyrirstöðu að verða við tillögu minnihlutans að vísa fyrirspurninni til baka."

Orri V. Hlöðversson

Ásdís Kristjánsdóttir

Hjördís Ýr Johnson

Hannes Steindórsson

Frá lögfræðideild, dags. 13.02.2023, lögð fram umsögn um starfsemi ökutækjaleigu.

Bæjarráð veitir neikvæða umsögn með vísan til umsagnar lögfræðideildar.

Frá Lánasjóðui sveitarfélaga, dags. 10.02.2023, lagt fram erindi þar sem óskað er eftir framboðum til stjórnar Lánasjóðs sveitarfélaga.

Lagt fram.

Fundargerð í sjö liðum.

Lagt fram.

Fundargerð 551. fundar stjórnar SSH frá 06.02.2023

Lagt fram.

Fundargerð í 7 liðum.

Lagt fram.

Fundargerð í fimm liðum.

Lagt fram.