Nónhæð. Nónsmári 1-7 og 9-15. Kæra vegna stjórnvaldsákvörðunar skipulagsráðs Kópavogs um höfnun á breyttu deiliskipulagi

Frá Skipulagsfulltrúa, dags. 13. febrúar 2023, lagt fram svar við fyrirspurn Theódóru S. Þorsteinsdóttur frá 26. janúar 2023.

Fundarhlé hófst kl. 9:59, fundi fram haldið kl. 10:55.

Tillaga Helgu Jónsdóttur, Sigurbjargar E. Egilsdóttur, Bergljótar Kristinsdóttur og Einars A. Þorvarðarsonar:

Lagt er til að fyrirspurninni verði vísað til baka með ósk um skýrari svör. Í minnisblaðinu er ekki svar við fyrirspurninni um hvaðan ósk um fjölgun íbúða á Nónhæð er komin. Mikilvægt er að fá svör, sérstaklega í ljósi þess að skipulagsráð hafnaði þann 7. september 2020 ósk lóðarhafa um fjölgun íbúða úr 140 í 151 enda samræmdist hún ekki fyrra aðalskipulagi. Einnig er nauðsynlegt að fá skýrt svar við því hvernig athygli kjörinna fulltrúa var beint að tillögu um þessa fjölgun íbúða fyrir afgreiðslu nýs aðalskipulags.

Bæjarráð samþykkir tillöguna með fimm atkvæðum.


Bókun:

"Meirihlutinn telur að minnisblað umhverfissviðs sé ítarlegt og vel unnið út frá fyrirliggjandi gögnum. Hins vegar teljum við ekkert því til fyrirstöðu að verða við tillögu minnihlutans að vísa fyrirspurninni til baka."

Orri V. Hlöðversson

Ásdís Kristjánsdóttir

Hjördís Ýr Johnson

Hannes Steindórsson

Erindi frá bæjarfulltrúa Viðreisnar.

Umræður.

Á fundi bæjarráðs 26. janúar 2023 var lagður fram úrskurður úrskurðarnefndar umhverfis- og auðlindamála dags. 20. janúar 2023. Bæjarráð vísaði málinu til afgreiðslu skipulagsráðs.

Lagt fram. Afgreiðslu frestað.

Frá úrskurðarnefnd umhverfis/auðlindamála. dags. 20.01.2023, lagður fram úrskurður í mál nr. 92/2022, kæra á ákvörðun bæjarráðs Kópavogs frá 21. júlí 2022 um að hafna tillögu að breytingu á deiliskipulagi fyrir Nónsmára 1-7 og 9-15.

Bæjarráð vísar málinu til afgreiðslu skipulagsráðs.

Bókun:

"Undirrituð óskar eftir upplýsingum frá umhverfissviði um hvaðan ósk um 10 auka íbúðir hafi komið inn í aðalskipulag Kópavogs 2019-2040. Mikilvægt er að fá svör fyrir umræðu á næsta bæjarstjórnarfund."

Theódóra S. Þorsteinsdóttir.