Bæjarráð - 3048. fundur

Frá sviðsstjóra menntasviðs, dags. 31.05.2021, lagður fram rökstuðningur vegna ráðningar í stöðu leikskólastjóra Arnarsmára.

Bæjarráð samþykkir með fimm atkvæðum að Bryndís Baldvinsdóttir verði ráðin leikskólastjóri leikskólans Arnarsmára.

Frá sviðsstjóra velferðarsviðs, dags. 20.05.2021, lagt fram minnisblað varðandi hjúkrunarrými fyrir einstaklinga yngri en 67 ára.

Lagt fram.

Bókun:

"Undirritaðri þykir mjög miður að ekki sé hægt að stofna í Boðaþingi sértæka deild fyrir yngra fólk með færnisskerðingu sem þarf á umfangsmikilli þjónustu að halda. Skýringin virðist vera flækjustig laga, reglna og samningsgerðar ríkis og sveitarfélagsins um hlutverk og greiðslur þeirra á milli. Það að ekki sé hægt að bíða eftir því kemur í veg fyrir að hægt sé að opna slíkt úrræði.

Samkvæmt upplýsingum frá Sjúkratryggingum Íslands frá árinu 2018 búa 139 einstaklingar yngri en 67 ára á hjúkrunarheimilum. Af þeim eru 20 sem búa á sérhæfðum hjúkrunardeildum í Mörk og Skógarbæ í Reykjavík sem ætlaðar eru yngi fólki sem þarf umfangsmikla þjónustu. Því er óskiljanlegt að ekki sé hægt að opna sambærilega deild í Boðaþingi.

Undirrituð telur jafnframt nauðsynlegt að endurhugsa hugmyndafræðina á bak við hjúkrunarheimilin og þjónustu við eldri borgara í átt til fjölbreyttari búsetuúrræða."

Theódóra S. Þorsteinsdóttir

Bókun:

"Ég tek undir þessa bókun."

Pétur H. Sigurðsson

Frá deildartjóra eignadeildar, dags. 31.05.2021, lögð fram tillaga um að gengið verði til samninga við Þelamörk ehf. um endurnýjum lýsingar í Fífunni.

Bæjarráð samþykkir með fimm atkvæðum að gengið verði til samninga við Þelamörk ehf. um endurnýjun lýsingar í Fífunni.

Frá deildarstjóra íþróttadeildar, dags. 31.05.2021, lögð fram niðurstaða útboð í líkamsræktaraðstöðu við sundlaugar í Kópavogi.

Bæjarráð samþykkir með fimm atkvæðum að gengið verði til samninga við RFC ehf. um líkamsræktaraðstöðu í sundlaugum Kópavogs.

Frá lögfræðideild, dags. 26.05.2021, lagt fram bréf Sýslumannsins á höfuðborgarsvæðinu, dags. 25.05.2021, þar sem óskað er umsagnar um umsókn Kársnes ehf., kt. 560119-2830, um tímabundið áfengisleyfi vegna Hverfishátíðar dagana 4-5. júní 2021, frá kl. 17.00 - 23.59 á staðnum Brauðkaup, Borgarholtsbraut 19, Kópavogi skv. 17. gr. laga nr. 85/2007 um veitingastaði, gististaði og skemmtanahald og 30. gr. rgl. nr. 1277/2016. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Bæjarráð staðfestir með fimm atkvæðum að afgreiðslutími og staðsetning staðar sé innan marka reglna og skipulags sveitarfélags og veitir jákvæða umsögn.

Frá lögfræðideild, dags. 14.05.2021, lögð fram drög að samkomulagi um uppbyggingu á skipulagssvæðinu Traðarreitur-eystri(reitur B29). Bæjarráð frestaði erindinu á fundi sínum þann 20.05.2021.

Bæjarráð samþykkir með fimm atkvæðum framlagt samkomulag um uppbyggingu á skipulagssvæðinu Traðarreitur eystri.

Frá Strætó bs., dags. 2. mars, lögð fram beiðni um heimild til að sækja um yfirdráttarheimild að fjárhæð 300 m.kr. sem eigendavettvangur Strætó vísaði til afgreiðslu aðildarsveitarfélaga. Einnig lögð fram fjármálagreining KPMG frá 25. janúar sl.

Bæjarráð samþykkir með fimm atkvæðum að vísa málinu til afgreiðslu bæjarstjórnar.

Frá avinnuvega- og nýsköpunarráðuneytinu, dags. 28.05.2021, lagt fram yfirlit yfir helstu breytingar á jarðalögum, nr. 81-2004.

Lagt fram.

Fundargerð í 6 liðum.

Lagt fram.

Fundargerð í 4 liðum.

Lagt fram.

Fundargerð í 22 liðum.

Lagt fram.

Fundargerð í 12 liðum.

Lagt fram.