Bæjarráð - 2978. fundur
á Digranesvegi 1, bæjarráðsherbergi - Víghóll
Mætt til fundar
Nefndarmenn
- Birkir Jón Jónsson - formaður
- Karen Elísabet S Halldórsdóttir - varaformaður
- Hjördís Ýr Johnson - aðalmaður
- Pétur Hrafn Sigurðsson - aðalmaður
- Theódóra S Þorsteinsdóttir - aðalmaður
- Sigurbjörg Erla Egilsdóttir - áheyrnarfulltrúi
Starfsmenn
- Páll Magnússon - bæjarritari
Ritari
- Páll Magnússon
Dagskrá fundar
Frá lögfræðideild, dags. 16. október, lagt fram bréf Sýslumannsins á höfuðborgarsvæðinu, dags. 4. október, þar sem óskað er umsagnar um umsókn Handknattleiksfélags Kópavogs, kt. 630981-0269, um rekstrarleyfi fyrir veitingastað í flokki II, að Vallakór 12-14, 203 Kópavogi, skv. 10. gr. laga nr. 85/2007 um veitingastaði, gististaði og skemmtanahald, sbr. 26. gr. reglugerðar nr. 1277/2016. Samkvæmt 1. tl. 4. mgr. 10. gr. laga nr. 85/2007 skal sveitarstjórn, sem umsagnaraðili, staðfesta að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.
Bæjarráð samþykkir að veita jákvæða umsögn með vísan til minnisblaðs lögfræðideildar.
Frá Sambandi íslenskra sveitarfélaga, dags. 30. október, lagt fram erindi um jafnréttisáætlanir sveitarfélaga.
Lagt fram.
03
Til umsagnar: Frumvarp til laga um þjóðlendur og ákvörðun marka eignarlanda, þjóðlendna og afrétta (leyfisveitingar, málsmeðferð, endurupptaka o.fl.), 317. mál.
Frá allsherjar- og menntamálanefnd Alþingis, dags. 11. nóvember, lagt fram til umsagnar frumvarp til laga um þjóðlendur og ákvörðun marka eignarlanda, þjóðlendna og afrétta (leyfisveitingar, málsmeðferð, endurupptaka o.fl.), stjórnarfrumvarp.
Bæjarráð vísar erindinu til bæjarlögmanns til úrvinnslu.
Frá velferðarnefnd Alþingis, dags. 6. nóvember, lagt fram til umsagnar frumvarp til laga um ávana- og fíkniefni (neyslurými), stjórnarfrumvarp.
Bæjarráð vísar erindinu til bæjarlögmanns til úrvinnslu.
Sigurbjörn Erla Egilsdóttir lagði fram eftirfarandi bókun:
"Píratar í Kópavogi fagna frumvarpi um neyslurými en það er staðfesting á því og viðurkenning að í auknum mæli er horfið frá refsistefnu stjórnvalda yfir í skaðaminnkandi úrræði. Vímuefnamisnotkun er heilbrigðisvandamál sem þarf að leysa sem slíkt og aðstoð við jaðarsetta einstaklinga ætti ávallt ganga út frá valdeflingu og skaðaminnkun.
Sigurbjörg Erla Egilsdóttir"
Pétur Hrafn Sigurðsson tók undir bókun Sigurbjargar.
Fundargerð í 11 liðum.
Lagt fram.
Fundargerð í 19 liðum.
Lagt fram.
Fundargerð í 10 liðum.
Lagt fram.
11.8 - 1901639 - Endurskoðun á reglum um NPA
Drög að reglum ásamt greinargerð deildarstjóra, dags. 7. nóvember 2019 lögð fram til afgreiðslu.
Lögð var fram eftirfarandi bókun:
"Undirrituð gera athugasemd við ákvæði um upphæð framlags í 12. grein, þar sem segir að taxti sólarhringsþjónustu miðist við sofandi næturvakt. Samkvæmt núgildandi kjarasamningum er gert ráð fyrir hærra tímakaupi þegar um vakandi næturvakt ræðir og því er mikilvægt að reglurnar komi ekki í veg fyrir að notandi geti greitt aðstoðarfólki sínu kjarasamningsbundin laun þegar svo ber undir.
Sigurbjörg Erla Egilsdóttir
Andrés Pétursson
Sigurlaug Kristín Sævarsdóttir
Donata Honkowicz Bukowska"
Hlé var gert á fundi kl. 18:30.
Fundur hófst að nýju kl. 18:36.
Lögð var fram eftirfarandi bókun:
"Kópavogsbær greiðir næst hæsta taxta allra sveitarfélaga á landinu sem eru með NPA samninga og mun í þessum efnum eins og ávallt uppfylla kjarasamninga. En hins ber að gæta að fjármagn það sem ríkið leggur til málaflokksins er föst upphæð og hækkun á tímagjaldi þýðir einfaldlega færri tímar og eða færri samningar.
Guðmundur G. Geirdal
Björg Baldursdóttir
Halla Karí Hjaltested
Baldur Þór Baldvinsson"
Velferðarráð samþykkti reglurnar fyrir sitt leyti með fjórum atkvæðum Guðmundar G. Geirdals, Bjargar Baldursdóttur, Höllu Kari Hjaltested og Baldurs Þórs Baldvinssonar.
Bæjarráð vísar afgreiðslu málsins til bæjarstjórnar.