Bæjarráð - 3167. fundur

Frá deildarstjóra gatnadeildar, dags. 11.03.2024, lögð fram uppfærð samþykkt um meðhöndlun úrgangs í Kópavogsbæ í kjölfar breytinga á lögum nr. 55/2003 um meðhöndlun úrgangs.

Bæjarráð samþykkir með fjórum atkvæðum, gegn atkvæði Theódóru S. Þorsteinsdóttur framlögð drög að samþykkt um meðhöndlun úrgangs í Kópavogsbæ í kjölfar breytinga á lögum nr. 55/2003 um meðhöndlun úrgangs.

Frá verkefnastjóra umhverfissviðs, dags. 08.03.2024, lagðar fram tillögur um laun og vinnutíma vinnuskóla Kópavogs 2024. Tillögunni fylgir starfsáætlun vinnuskóla 2024.

Bæjarráð samþykkir með fimm atkvæðum framlagðar tillögur um laun og vinnutíma.

Frá sviðsstjóra menntasviðs, dags. 07.03.2024, lögð fram tillaga og rökstuðningur vegna ráðningar í stöðu skólastjóra Kóraskóla.

Bæjarráð samþykkir með fimm atkvæðum að ráða Heimi Eyvindarson í starf skólastjóra Kóraskóla.

Frá sviðsstjóra menntasviðs, dags. 07.03.2024, lögð fram tillaga og rökstuðningur vegna ráðningar í stöðu skólastjóra Hörðuvallaskóla.

Bæjarráð samþykkir með fimm atkvæðum að ráða Sigrúnu Ólöfu Ingólfsdóttur í starf skólastjóra Hörðuvallaskóla.

Frá sviðsstjóra menntasviðs, dags. 07.03.2024, lögð fram tillaga og rökstuðningur vegna ráðningar í stöðu skólastjóra Lindaskóla.

Bæjarráð samþykkir með fimm atkvæðum að Margréti Ármann í starf skólastjóra Lindaskóla.

Frá Sambandi íslenskra sveitarfélaga, dags. 08.03.2024, lögð fram áskorun til sveitarfélaga vegna yfirlýsingar ríkisstjórnarinnar og Sambands íslenskra sveitarfélaga vegna kjarasamninga 2024.

Lagt fram.

Bókun:

"Undirrituð fagna því að langtíma kjarasamningar hafi tekist á almennum vinnumarkaði og vonandi skapast svigrúm til að lækka verðbólgu og vexti og ná fram stöðugleika fyrir heimilin í landinu. Kópavogsbær mun sannarlega leggja sitt af mörkum til að árangur náist í þeim efnum.

Mikilvægt er að sveitarfélögin fái svigrúm til að meta heildaráhrif kjarasamninganna, þannig að þau séu upplýst og geti tekið sjálfstæðar ákvarðanir um sína þátttöku þegar kemur að útfærslu skólamáltíða og annarra ákvæða samninganna sem snúa að sveitarfélögunum."

Orri V. Hlöðversson

Hjördís Ýr Johnson

Andri S. Hilmarsson

Kolbeinn Reginsson

Frá Félagi Heyrnarlausra, dags. 11.03.2024, lögð fram beiðni til bæjarráðs þar sem óskað er eftir styrk að upphæð kr. 300 -500 þúsund til að halda Norrænt mót fyrir döff eldri borgara 2025 og Norrænt menningarmót heyrnarlausra 2026.

Bæjarráð samþykkir með fimm atkvæðum að vísa erindinu til afgreiðslu lista- og menningarráðs.

Frá dýravelferðarsamtökunum Björgum dýrum í neyð, dags. 11.03.2024, lögð fram beiðni um styrk í verkefni tengt fóðrun vatnafugla í Kópavogi.

Bæjarráð samþykkir með fimm atkvæðum að styrkja verkefnið um kr. 100.000,-

Fundargerð í fjórum liðum.

Lagt fram.

Fundargerð 574. fundar stjórnar SSH frá 04.03.2024.

Lagt fram.

Fundargerð verkefnahóps um uppbyggingu á skíðasvæðunum frá 07.02.2024.

Lagt fram.

Fundargerð 115. fundar stjórnar Markaðsstofu Kópavogs frá 07.03.2024.

Lagt fram.

Fundargerð 125. fundar stjórnar Svæðisskipulagsnefndar höfuðborgarsvæðisins frá 08.03.2024.

Lagt fram.