Íþróttaráð - 54. fundur

Lögð fram tillaga að dagskrá íþróttahátíðarinnar og skipulagi hennar.

Farið yfir dagskrá og skipulag Íþróttahátíðar Kópavogs 2015 sem haldin verður í Smáranum í byrjun janúar nk.$line$Samþykkt að fela deildarstjóra að festa nýja dagsetningu fyrir hátíðina í samráði við staðarhaldara.

Lögð fram tilnefning til íþróttakarls/konu vegna aldurflokksins 13-16 ára frá körfuknattleiksdeild Breiðabliks, sem vegna mistaka var ekki lögð fram á síðasta fundi ráðsins.

Íþróttaráð samþykkir að veita Hafsteini Guðnasyni viðurkenningu í flokki 13-16 ára.

Lagður fram listi með tilnefningum íþróttafélaganna í Kópavogi vegna flokks ársins 2015.

Frestað til næsta fundar.

Lagður var fram kjörseðill vegna kjörs á Íþróttakarli og Íþróttakonu Kópavogs 2015 sem sendur var út með fundarboði.

Frestað til næsta fundar.

Lögð fram tillaga formanns íþróttaráðs um reglur um notkun á Kópavogsvelli.

Almennar umræður. Íþróttafulltrúa falið að senda framlögð drög til umsagnar til HK og Breiðabliks.

Greint var frá því að bæjarráð samþykkti fyrr í dag nýja gjaldskrá knatthúsa í Kópavogi.

Íþróttaráð fagnar ákvörðun Bæjarráðs um breytingu á gjaldskrá fyrir knatthúsin í Kópavogi en íþróttaráð beitti sér fyrir slíkri hækkun strax í ágúst á þessu ári. Samkvæmt því sem fram kom á fundi íþróttaráðs ætti breytingin að auka svigrúm til úthlutunar á tímum til knattspyrnufélaganna um næstu áramót um 3 - 6 tíma. Íþróttaráð felur íþróttadeild að vinna með knattspyrnudeildunum um útfærslu á nýtingu þeirra tíma sem hér um ræðir.

Deildarstjóri íþróttadeildar lagði fram minnisbað um skautasvell í Kópavog. Fjallað um mögulega staðsetningu, kostnað o.fl.

Almennar umræður. Íþróttaráð styður áfram hugmyndir um skautasvell í Kópavogi. Felur íþróttadeild að vinna áfram í málinu.