Lista- og menningarráð - 72. fundur

Kristín Dagmar Jóhannesdóttir, forstöðumaður Gerðarsafns, fer yfir ýmis mál safnsins, svo sem innkaupastefnu og fleira. Kristín Dagmar sendir fundargögn fyrir fundinn.

Ráðið þakkar Kristínu Dagmar fyrir greinargóða yfirferð á málefnum Gerðarsafns og leggur til að funda með henni aftur sem fyrst í haust.

Umsókn um skyndistyrk frá Anarkíu.

Afgreiðslu frestað til næsta fundar.

Bjarki Valberg, starfsmaður umhverfissviðs, óskar eftir stuðningi úr lista- og menningarsjóði við verkefni sem tengist vegglist.

Lista og menningarráð lýsir yfir mikilli ánægju með vegglistaverkaátak umhverfissviðs í samstarfi við skapandi sumarstörf. Verkinu er ætlað að efla sköpunarþörf ungmenna og kynna fyrir bæjarbúum ýmiss konar sköpun og tjáningu sem finna má orðið víða um í borginni og um heim allan og tengist hinni svokölluðu "street art". Verkefnið er metnaðarfullt og stýrt af fagfólki sem mun án efa vekja athygli bæjarbúa núna í sumar. Verkefnið er tilraunaverkefni og mun Lista og menningarráð fylgjast með framvindu þess og árangri. Ráðið styrkir verkefnið um 300.000 kr.

Lögð fram umsókn um styrk fyrir stuttmynd um einelti frá Guðrúnu Björgu Sigurðardóttur.

Umsókn hafnað.