Lista- og menningarráð - 77. fundur

Til umræðu er rekstrarsamningur Leikfélags Kópavogs við Kópavogsbæ með þátttöku fulltrúa frá Leikfélaginu.

Á fundinn mættu stjórnarmenn úr Leikfélagi Kópavogs þau Hörður Sigurðarson, Örn Alexandersson og Anna Margrét Pálsdóttir.Formaður ráðsins gerði stjórnarmönnum grein fyrir hugmyndum um tímabundna framlegningu á samningnum og auknu samstarfi við forstöðumenn menningarhúsa Kópavogsbæjar. Fulltrúar LK senda ráðinu hugmyndir um breytingar á samningi fyrir 10. október. Ráðið vinnur svo áfram með þær hugmyndir í samstarfi við LK. og í samræmi við menningarstefnu bæjarins.

Umsókn forstöðumanns Gerðarsafns um fjárveitingu fyrir listaverkakaupum fyrir safnið.

Lista- og menningarráð samþykkir að veita 3,5 milljónir króna á ári til næstu tveggja ára (2018 og 2019). Hluta af upphæðinni skal varið til útilistaverka.

Stofnskrá Gerðarsafns - Listasafns Kópavogs lögð fram til umfjöllunar.

Ráðið felur forstöðumanni menningarmála að leggja drög að nýrri stofnskrá sem lögð verður til samþykktar fyrir lista- og menningarráð.

Fundir og starfshættir lista- og menningarráðs til umræðu.

Formaður upplýsti ráðið um starfshætti í ráðum og nefndum bæjarins.