Lista- og menningarráð - 96. fundur

Staða lista- og menningarsjóðs.

Staða lögð fram til kynningar. Áætlanir hafa staðist og lýsir ráðið yfir ánægju sinni með það hversu vel fjármunum sjóðsins hefur verið varið.

Fundargerð ráðgjafanefndar Gerðarsafns.

Fundargerð ráðgjafanefndar lögð fram til kynningar.

Starfsþróunarferð forstöðumanna menningarhúsanna

Ráðið þakkar fyrir góða samantekt um yfirgripsmikla og áhugaverða ferð forstöðumanna menningarstofnananna til Amsterdam. Ferðin á án efa eftir að skila sér í öflugra menningarlífi í Kópavogi og ljóst að slíkar ferðir eru mikil innspýting fyrir starfsemina í heild sinni.

Skýrsla Cycle fyrir 20017.

Lista- og menningarráð lýsir yfir ánægju með síðustu hátíð Cycle. Ráðið óskar eftir lokaskýrslu frá stjórnendum. Ákvörðun um styrk er vísað til næsta fundar ráðsins.

Úrvinnsla styrkumsókna lista- og menningarráðs.

Síðasti dagur til að sækja um styrk úr lista- og menningarsjóði var 17. nóvember og bárust sjóðnum tæplega 70 umsóknir. Lista- og menningarráð felur forstöðumanni menningarmála að vinna úr umsóknunum þannig að þær verði aðgengilegar ráðinu fyrir næsta fund 17. janúar.

Dagskrárdrög og tillaga að nýrri heimasíðu.

Að mati lista- og menningarráðs býður vönduð, metnaðarfull og fjölbreytt dagskrá bæjarbúa og annarra gesta í ljóðavikunni sem hefst viku áður en afhending Ljóðstafs Jóns úr Vör verður gerð 20. janúar.

Styrkbeiðni fyrir leigu á Salnum.

Lista- og menningarráð er reiðubúið að styrkja Chopinkeppnina um kr. 125.000 vegna verðlaunaafhendingar og tónleika í Salnum 31. mars 2019.