Lista- og menningarráð - 67. fundur

Forstöðumaður menningarmála leggur til að skipaður verði ráðgefandi hópur vegna komandi barnamenningarhátíðar, 25. til 30. apríl, með fulltrúum aðila sem hafi tengingar inn í barnastarf og fræðslu í Kópavogi.

Nefndin samþykkir að ráðgefandi hópur barnamenningarhátíðar verði með einum fulltrúa frá Tónlistarskóla Kópavogs, einum fulltrúa frá grunnskólum Kópavogs og tveimur fulltrúum frá fulltrúum nemenda í skólaráði grunnskólanna. Björg Baldursdóttir verður fulltrúi lista- og menningarráðs í hópnum.

Nefndin heimsækir Náttúrufræðistofu Kópavogs og fær leiðsögn um safn og rannsóknarstofu. 5 starfsmenn starfa á Náttúrufræðistofu Kópavogs.

Nefndin þakkar Finni Ingimarssyni fyrir leiðsögnina. Ákveðið að fara aftur yfir, síðar í febrúar, tillögur frá Gagarín um safnið og þær hugmyndir sem unnið hefur verið út frá, síðustu vikur.

Öryggismál og lýsing á svæði Menningarhúsa Kópavogsbæjar

Rætt um nauðsyn þess að lýsa upp svæðið í takt við starfsemi svæðisins og útlit húsanna. Formanni nefndarinnar falið að hafa samband við sviðsstjóra umhverfissviðs.