Menningarhús Kópavogs. Ímynd, umhverfi og markaðsmál

Karl Eðvaldsson, deildarstjóri gatnadeildar, kynnir hugmyndir frá Eflu verkfræðistofu að lýsingu á svæðinu við menningarhúsin.

Lista- og menningarráð fagnar þeim tillögum sem komnar eru fram um lýsingu á svæði milli menningarhúsanna. Er hún til mikilla bóta og mun lýsingin draga athygli að fallegum byggingum menningarhúsanna og styrkja þau enn frekar í að vera eitt af kennileitum Kópavogsbæjar.

Forstöðumaður menningarmála hjá Kópavogsbæ hefur sagt starfi sínu lausu og tekur á næstunni við starfi sviðsstjóra menningar- og ferðamálasviðs Reykjavíkurborgar.

Lista- og menningarráð óskar Örnu Schram til hamingju og velfarnaðar í nýju starfi hjá Reykjavíkurborg. Ráðið þakkar gott samstarf og vel unnin störf í þágu menningar og listalífs í Kópavogi.

Öryggismál og lýsing á svæði Menningarhúsa Kópavogsbæjar

Rætt um nauðsyn þess að lýsa upp svæðið í takt við starfsemi svæðisins og útlit húsanna. Formanni nefndarinnar falið að hafa samband við sviðsstjóra umhverfissviðs.

Forstöðumaður menningarmála í Kópavogi leggur fram yfirlitsskýrslu um starfsemi menningarmála á vegum Kópavogsbæjar árið 2016.

Nefndin þakkar fyrir greinargóða skýrslu um menningarstarf Kópavogsbæjar á árinu 2016. Starfið er fjölbreytt, metnaðarfullt og vel í takti við samþykkta menningarstefnu. Undanfarin ár hefur orðið mikil ásýndarbreyting á menningarmálum í Kópavogi til hins betra. Kristallast það í frábæru og sýnilegu starfi starfsfólks sem hefur lagt sig fram og sinnt þessum málaflokki af miklum myndarbrag undir styrkri stjórn Örnu Schram.

Verkefnastjóri menningarfræðslu kynnir málefni barnamenningarfræðslu hjá Menningarhúsum í Kópavogi.

Nefndin þakkar Ólöfu Breiðfjörð fyrir kynningu á metnaðarfullri menningardagskrá fyrir börn og ungmenni í Kópavogi og telur að starfið sé faglega unnið og í samræmi við menningarstefnu bæjarins.

Lista- og menningarráð ræðir framhald ályktunar um lýsingu í og við Menningarhús Kópavogs.

Lista- og menningarráð óskar eftir að leitað verði tilboða í hönnun og lýsingu við Menningarhús Kópavogs í samráði við innkaupafulltrúa bæjarins.

Forstöðumaður Listhúss greinir frá ímyndarvinnu, vegna markaðssetningar menningarhúsanna, sem átt hefur sér stað frá samþykkt menningarstefnu Kópavogsbæjar. Verið er að taka útlit í gegn og samræma það og stefnt að því að bæta merkingar á svæðinu samkvæmt hinu nýja heildarútliti. Einnig fór hún yfir samstarf við umhverfis- og samgöngunefnd um lýsingu og fl á svæðinu.

Ráðið þakkar yfirferðina.

Frá 53. fundi Lista- og menningarráðs 14.1.2016.$line$Lýsing við menningarhús Kópavogs$line$Lista- og menningarráð beinir því til umhverfis- og samgöngunefndar að hún taki þátt í því með lista- og menningarráði að bæta lýsingu við menningarhús Kópavogs, til að bæta aðgengi og öryggi við húsin, ekki síst á dimmum vetrarmánuðum.

Umhverfis- og samgöngunefnd samþykkir að fela umhverfissviði að funda með fulltrúa lista- og menningarráðs og skila samantekt til nefndarinnar. Umhverfis- og samgöngunefnd telur brýnt að fara í heildræna uppbyggingu á svæðinu.

Lýsing við menningarhús Kópavogs

Lista- og menningarráð beinir því til umhverfis- og samgöngunefndar að hún taki þátt í því með lista- og menningarráði að bæta lýsingu við menningarhús Kópavogs, til að bæta aðgengi og öryggi við húsin, ekki síst á dimmum vetrarmánuðum.