Lista- og menningarráð - 148. fundur

Ingólfur Arnarson mætti á fundinn undir fyrsta dagskrárlið frá kl. 8:15-8:45.

Húsnæðismál Leikfélags Kópavogs.

Lista- og menningarráð vísar málinu til bæjarlögmanns, sviðsstjóra stjórnsýslusviðs og sviðsstjóra fjármálasviðs.

Staða málsins tekin fyrir.

Vísað er til fyrri bókunar málsins þar sem formanni lista- og menningarráðs og forstöðumanni menningarmála var falið að kanna grundvöll fyrir lengri opnunartíma bókasafnsins og Gerðarsafns. Niðurstaðan er að á meðan verið er að vinna að úttekt á starfsemi menningarhúsanna sé rétt að bíða með breytingar á opnunartíma.

Staða málsins tekin fyrir.

Lista- og menningarráð felur forstöðumanni bókasafnsins að kanna möguleika á sjálfsafgreiðslusafni fyrir börn og ungmenni í samstarfi við HK í Kórnum. Þannig er unnt að auka aðgengi barna og fjölskyldna að bókum í hverfunum í kring. Ráðið lítur á þetta sem tilraunaverkefni.

Staða málefnasamnings meirihlutans um menningarmál tekin fyrir.

Lista- og menningarráð fór yfir verkefni í málefnasamningi meirihlutans undir yfirskriftinni Mannlíf, menning og listir.

Tillaga að stofnun söfnunarsjóðs til útilistaverkakaupa í Kópavogi.

Lista- og menningarráð óskar eftir því við bæjarráð að stofnaður verði söfnunarsjóður fyrir útilistaverk sem settur verði í fjárfestingaráætlun / stofn, fyrir árið 2024. Árið 2022 hélt ráðið eftir af fjárheimildum sínum kr. 3.000.000 sem ætlað var sem stofnfé til kaupa á útlistaverki fyrir bæjarfélagið. Það sama hyggst ráðið gera árið 2023. Þar sem ekki er unnt að flytja fjárheimildir á milli ára óskar lista- og menningarráð eftir því við bæjarráð að gert verði ráð fyrir kr. 6.000.000 í fjárfestingaráætlun fyrir útilistaverki fyrir árið 2024, sem nemur þá sparnaði ráðsins fyrir árin 2022 og 2023. Jafnframt er óskað eftir því að fjárheimild til úthlutunar lista- og menningarráðs á árunum 2024 og 2025 verði lækkaðar um kr. 3.000.000 hvort ár og fjárfestingaráætlun fyrir árin 2024 og 2025 hækki að sama skapi um kr. 3.000.000 bæði árin, sem renni þá í söfnunarsjóð fyrir útilistaverk í Kópavogi.

Framkvæmd 17. júní hátíðarhalda 2023.

Lista- og menningarráð samþykkir að aðalhátíðarhöldin 17. júní 2023 fari fram á Rútstúni og við Salarlaug. Auk þess verði svæði við menningarhúsin nýtt og stefnt skuli að kvöldtónleikum á öðrum hvorum staðnum.

Beiðni um styrk vegna leigu á Salnum.

Lista- og menningarráð samþykkir að veita kr. 300.000 styrk til Kársnesskóla vegna tónleikahalds í Salnum.

Umsókn um styrk vegna Kársneshátíðar.

Lista- og menningarráð frestar málinu.

Beiðni um styrk vegna tónleikahalds fyrir eldri borgara í Kópavogi.

Lista- og menningarráð þakkar umsóknina en getur því miður ekki orðið við henni.

Lögð fram hugmynd til umræðu um uppsetningu mósaíkmyndar eftir Gerði Helgadóttur.

Lista- og menningarráð þakkar innsent erindi. Eins og málum er háttað er ráðið að vinna að söfnunarjóði fyrir útilistaverk sem úthlutað verður úr á næstu árum. Verkefnið gæti komið til álita þegar að því kemur.

Fundatímar ráðsins.

Næstu fundir lista- og menningarráðs eru miðvikudagana 22.mars, 26. apríl og 24. maí kl. 8:15.