Athugun vegna þátttöku trúfélaga í aðventudagskrá grunnskóla í Kópavogi

Lagt fram til kynningar og umræðu.

Jafnréttisráðgjafi skrifaði öllum grunnskólum sveitarfélagsins og óskaði eftir upplýsingum um hvort nemendur færu í kirkjuheimsóknir á aðventunni eða hvort prestur væri fenginn í heimsókn. Þá var spurt hvað væri gert fyrir þá nemendur sem kysu ekki að taka þátt í undirbúningi jólanna í skólanum. Að lokum var spurt hvort sérstaklega væri gætt að þeim nemendum sem ekki tækju þátt í jólaundirbúningi eða kirkjuheimsóknum. Svör bárust frá fimm skólum af ellefu grunnskólum sveitarfélagsins. Þau voru lögð fram og rædd.