Öldungamót BLÍ 2013

Frá deildarstjóra íþróttadeildar, dags. 20. febrúar, samkomulag um aðgang að sundlaugum í tengslum við öldungamót BLÍ dagana 28. - 30. apríl nk.

Lagt fram.

Erindi frá blakdeild HK um aðgang að sundlaugum. Erindinu var hafnað í íþróttaráði.

Bæjarráð frestar málinu og vísar því til deildarstjóra íþróttadeildar til úrvinnslu.Deildarstjóri íþróttadeildar sat fundinn undir þessum lið.

Lagt fram erindi frá blakdeild HK dags. 28.01.2013 þar sem íþróttaráði er þökkuð afgreiðsla ráðsins um aðgang að Kórnum fyrir 38. öldungamóts BLÍ dagana 28. til 30. apríl nk. $line$Í erindinu er jafnframt óskað er eftir því að þátttakendur mótsins fái frían aðgang að sundlaugum Kópavogsbæjar á meðan á mótinu stendur. $line$

Íþróttaráð getur ekki orðið óskum blakdeildarinnar um gjaldfrjálsan aðgang að sundlaugum bæjarins. Ráðið vill hins vegar benda deildinni á þann möguleika að leita samninga við íþróttadeildina um afslátt á grundvelli hins mikla fjölda sem tekur þátt í öldungamóti BLÍ 2013.  

Lagt fram erindi frá Aðalstjórn HK f.h. blakdeildar félagsins vegna árlegs Öldungamóts BLÍ sem halda á í Kórnum dagana 28. til 30 apríl nk. Sambærilegt erindi var lagt fram til ráðsins 22. mars 2011 vegna Öldungamóts 2012 þar sem "Íþróttaráð féllst á erindið enda fæli það ekki í sér neinn beinan kostnað fyrir bæjarfélagið". Mótið 2012 fór hins vegar fram á Siglufirði sl. ár og er því beiðnin endurnýjað fyrir árið 2013 með framlögðu erindi.$line$ $line$

Íþróttaráð samþykkir erindið og fagnar því að fá svo fjölmennt íþróttamót og stóran viðburð í bæinn.