Starfshópur um stöðu húsnæðismarkaðarins

Arnþór Sigurðsson, Kristín Sævarsdóttir og Ólöf Pálína Úlfarsdóttir lögðu fram eftirfarandi tillögu:

"Undirrituð leggja til að fjármálastjóri Kópavogsbæjar móti tillögu um þrepaskiptingu leigu í félagslegum leiguíbúðum Kópavogsbæjar, í anda skýrslu um húsnæðismál sem samþykkt var af öllum flokkum í Bæjarstjórn Kópavogs. Að tillagan verði lögð fyrir fund félagsmálaráðs til umræðu á öðrum fundi ráðsins í október 2016."

Tillagan var felld með fimm atkvæðum gegn tveimur.

Fulltrúar meirihlutans lögðu fram eftirfarandi bókun:

"Tillaga að þrepaskiptri leigu er hluti af húsnæðisskýrslu sem lögð var fram af fulltrúum allra flokka. Útfærsla þeirrar tillögu er ekki á höndum eins embættismanns. Gunnsteinn Sigurðsson, Karen E. Halldórsdóttir, Ragnheiður S. Dagsdóttir, Sverrir Óskarsson og Helga S. Harðardóttir."

Arnþór Sigurðsson lagði fram eftirfarandi bókun:

"Óskað er eftir upplýsingum um fyrirhugaðar aðgerðir í húsnæðismálum er samþykktar voru í bæjarstjórn Kópavogs.

Allir flokkar í bæjarstjórn Kópavogs stóðu að gerð tillagna um aðgerðir í húsnæðismálum en ekkert hefur bólað á neinum upplýsingum um framhaldið.

Ástandið á húsnæðismarkaði versnar með hverjum mánuðinum sem líður og er bagalegt að vita til þess að Bæjarstjórn Kópavogs sitji aðgerðarlaus í þessum málaflokki þrátt fyrir góð fyrirheit í sameiginlegum tillögum allra flokka." Kristín Sævarsdóttir og Ólöf Pálína Úlfarsdóttir tóku undir bókunina.

Hlé var gert á fundi kl. 18:02.

Fundur hófst aftur kl. 18:12.

Fulltrúar meirihluta lögðu fram eftirfarandi bókun: "Allir flokkar stóðu að nýrri húsnæðisskýrslu í Kópavogi og eru að vinna að framgangi hennar. Framboð á húsnæðiskostum hefur aukist hlutfallslega mest í Kópavogi í samanburði við nágrannasveitarfélögin og vinnan við húsnæðisstefnu Kópavogs er í fullum gangi og gengur vel. Sverrir Óskarsson, Ragnheiður Davíðsdóttir, Ísól Fanney Ólafsdóttir og Helga Sigrún Harðardóttir."

Fulltrúar minnihlutans lögðu fram eftirfarandi bókun: "Fróðlegt væri ef nefnd væru nokkur dæmi um fjölbreytileika í húsnæðismálum í Kópavogi framyfir önnur sveitarfélög. Arnþór Sigurðsson, Kristín Sævarsdóttir og Ólöf Pálína Úlfarsdóttir."

Fulltrúar meirihlutans lögðu fram eftirfarandi bókun: "Húsnæðisstefna í málefnum fatlaðra, félagslegar íbúðir, íbúðir fyrir ungt fólk, samstarf við byggingaraðila um að byggja nýtt húsnæði í Glaðheimum og Auðbrekku, ódýrara húsnæði úti á Kársnesi. Sverrir Óskarsson, Ragnheiður Davíðsdóttir, Ísól Fanney Ólafsdóttir og Helga Sigrún Harðardóttir."

Tillaga um skipan sex fulltrúa í starfshóp um stöðu húsnæðismarkaðarins, þrír frá meirihluta og þrír frá minnihluta, með auknu vægi atkvæðis formanns.

Lagt fram$line$$line$Bæjarráð samþykkir að eftirtaldir skipi starfshópinn:$line$Ármann Kr. Ólafsson$line$Margrét Friðriksdóttir$line$Theódóra S. Þorsteinsdóttir$line$Pétur Hrafn Sigurðsson$line$Ólafur Þór Gunnarsson$line$Kristinn Dagur Gissurarson