Bæjarlind 6, SPOT. Á-B ehf. Umsókn um nýtt rekstrarleyfi. Beiðni um umsögn.

Frá lögfræðideild, dags. 29. maí, lagt fram bréf Sýslumannsins á höfuðborgarsvæðinu þar sem óskað er umsagnar um umsókn Á-B ehf., kt. 500914-0330, um nýtt rekstrarleyfi til að mega reka veitingahús og skemmtistað í flokki III, á staðnum SPOT, að Bæjarlind 6, 201 Kópavogi, skv. 10. gr. laga nr. 85/2007 um veitingastaði, gististaði og skemmtanahald og 23. gr. rgl. nr. 585/2007. Samkvæmt 1. tl. 4. mgr. 10. gr. laga nr. 85/2007 staðfestir sveitarstjórn sem umsagnaraðili að afgreiðslutími og staðsetning staðar sem umsókn lýtur að sé innan þeirra marka sem reglur og skipulag sveitarfélagsins segja til um.

Sótt er um afgreiðslutíma sem er lengri en ákvæði 2. mgr 25. gr. reglugerðar nr. 1127/2007 um lögreglusamþykktir gerir ráð fyrir, en bæjarráð staðfestir með fimm atkvæðum umbeðinn opnunartíma og að staðsetning er í samræmi við gildandi skipulag.