Leiðarendi 3 Guðmundarlundur, lokafrágangur. Útboð.

Frá deildarstjóra framkvæmdadeildar, dags. 27. mars, lagðar fram niðurstöður útboðs á verkinu "Frágangur innan og utanhúss á Leiðarenda 3, Guðmundarlundi". Lagt er til við bæjarráð að leitað verði samninga við lægstbjóðanda Einar P. & KÓ ehf. um verkið.

Bæjarráð samþykkir með fimm atkvæðum að leitað verði samninga við Einar P & KÓ ehf. um verkið "Frágangur innan og utanhúss á Leiðarenda 3, Guðmundarlundi".

Frá deildarstjóra framkvæmdadeildar, dags. 28. september, lagt fram erindi þar sem óskað er heimildar bæjarráðs til að bjóða út í lokuðu útboði fullnaðarfrágang á félags- og þjónustuhúsi Guðmundarlundi, þar sem nánar tilgreindum verktökum verði gefinn kostur á að bjóða í verkið.

Bæjarráð samþykkir með fimm atkvæðum að boðið verði út í opnu útboði fullnaðarfrágangur á félags- og þjónustuhúsi Guðmundarlundar.