Samræmd lóðaafmörkun mannvirkja orkufyrirtækja.

Frá sviðsstjóra umhverfissviðs, dags. 2. febrúar, lögð fram umsögn til Sambands íslenskra sveitarfélaga vegna vinnu við samræmda afmörkun lóða innan sveitarfélaganna þar sem eru að finna mannvirki á vegum orkufyrirtækjanna.

Bæjarráð samþykkir með fimm atkvæðum að fela sviðsstjóra umhverfissviðs að svara erindi Sambands íslenskra sveitarfélaga á grundvelli framlagðrar umsagnar.

Frá Sambandi íslenskra sveitarfélaga, dags. 8. janúar, lagt fram bréf vegna vinnu við samræmda afmörkun lóða innan sveitarfélaganna þar sem eru að finna mannvirki á vegum orkufyrirtækjanna. Sambandið óskar eftir athugasemdum og ábendingum sveitarfélaga um hvort þau hafi athugasemdir við nánar tilgreinda nálgun hvað þetta varðar og kemur fram í bréfinu. Svara er óskað eigi síðar en 1. mars 2016.

Bæjarráð óskar eftir umsögn umhverfissviðs þar sem skoðað verði sérstaklega hvort fjallað sé um áhrif framkvæmda milli sveitarfélaga.