Kópavogsvöllur, viðhald.

Frá sviðsstjóra umhverfissviðs, dags. 10. júní 2016, varðandi Kópavogsvöll, viðhald. Á fundi bæjarráðs 19. maí 2016, var lagt fram erindi deildarstjóra íþróttadeildar, dags. 13. maí 2016, varðandi kostnað við endurbætur og viðhald á frjálsíþróttaaðstöðu á Kópavogsvelli. Á fundi íþróttaráðs, 12. maí var bókað að rétt væri að bæjarráð skoðaði málið, þar sem ekki liggja fyrir fjármunir í verkefnið að svo stöddu. Bæjarráð samþykkti að vísa erindinu til kostnaðarumsagnar sviðsstjóra.

Bæjarráð samþykkir með fimm atkvæðum að vísa erindinu til gerðar fjárhagsáætlunar fyrir næsta ár en felur menntasviði að ræða við Breiðablik um framkvæmd móta á þessu ári.

Frá deildarstjóra íþróttadeildar, dags. 13. maí, lagt fram erindi varðandi kostnað við endurbætur og viðhald á frjálsíþróttaaðstöðu á Kópavogsvelli. Íþróttaráð bókaði á fundi sínum þann 12.05.2016 að það teldi rétt að bæjarráð skoðaði málið með hliðsjón af viðhaldsþörf íþróttamannvirkja í Kópavogi í áætlanagerð sinni þar sem ekki liggja fyrir fjármunir í verkefnið að svo stöddu.

Bæjarráð samþykkir að vísa erindinu til kostnaðarumsagnar sviðsstjóra umhverfissviðs.

Starfmenn greindu frá athugunum þeirra varðandi kostnað við endurbætur/viðhald á frjálsíþróttaaðstöðunni á Kópavogsvelli.

Íþróttaráð telur rétt að Bæjarráð skoði málið með hliðsjón af viðhaldsþörf íþróttamannvirkja í Kópavogi í áætlunargerð sinni þar sem ekki liggja fyrir fjármunir í verkefnið að svo stöddu.

Lagt fram erindi frá Breiðablik dags. 23. febrúar sl., þar sem vakin er athygli á því að Meistaramót Íslands í frjálsum íþróttum 2016 fari fram á Kópavogsvelli á komandi sumri. Með erindinu er óskað eftir því að íþróttaráð hlutist til um að farið verði í þau viðhaldsverkefni sem til þarf, sem er að endurnýja brautarmerkingar að hlaupabrautum, svo að Kópavogur geti með reisn hýst helstu innlendu frjálsíþróttamótin.

Starfsmönnum falið að kanna kostnað við endurnýjun merkinga fyrir næsta fund.$line$Frestað.