Vesturvör 29. Viðræður við Hafrannsóknarstofnun

Frá bæjarstjóra, dags. 27. október, lögð fram viljayfirlýsing Kópavogsbæjar og Hafrannsóknarstofnunar dags. 27. október, um flutning stofnunarinnar að Vesturvör 29. Bæjarráð samþykkti framlagða viljayfirlýsingu við Hafrannsóknarstofnun með fjórum atkvæðum gegn einu.

Ólafur Þór Gunnarsson ítrekar bókun sína frá fundi bæjarráðs.

Bæjarstjórn samþykkir viljayfirlýsinguna með 9 atkvæðum gegn 2. Þeir sem voru samþykkir tillögunni voru Margrét Friðriksdóttir, Birkir Jón Jónsson, Ármann Kr. Ólafsson, Theódóra S. Þorsteinsdóttir, Sverrir Óskarsson, Karen Halldórsdóttir, Hjördís Ýr Johnson, Guðmundur Geirdal og Ólafur Þór Gunnarsson en atkvæði gegn tillögunni greiddu Kristín Sævarsdóttir og Bergljót Kristinsdóttir.

Frá bæjarstjóra, dags. 27. október, lögð fram viljayfirlýsing Kópavogsbæjar og Hafrannsóknarstofnunar dags. 27. október, um flutning stofnunarinnar að Vesturvör 29.

Bæjarráð samþykkir framlagða viljayfirlýsingu við Hafrannsóknastofnun með fjórum atkvæðum gegn atkvæði Péturs Hrafns Sigurðssonar.

Pétur Hrafn Sigurðsson lagði fram eftirfarandi bókun:

"Ég er á móti því að bærinn ráðist í gerð hafnarmannvirkja fyrir áætlaðar 150 m.kr. vegna flutnings Hafrannsóknarsstofnunar í bæinn og bendi á að við úthlutun undir höfuðstöðvar Wow-air þurfti bærinn ekki að reisa flugvöll.

Pétur Hrafn Sigurðsson"

Ármann Kr. Ólafsson, bæjarstjóri, lagði fram eftirfarandi bókun:

"Ítarlegri greinargerð varðandi fjárhagslegan ávinning af verkefninu verður lögð fram á síðari stigum en áréttað er að hér er um viljayfirlýsingu að ræða og á eftir að hnýta lausa enda.

Ármann Kr. Ólafsson"

Ólafur Þór Gunnarsson lagði fram eftirfarandi bókun:

"Ég fagna yfirlýsingu um flutning Hafrannsóknarstofnunar í Kópavog en legg áherslu á að það er ekki hlutverk bæjarsjóðs Kópavogs að byggja hafnarmannvirki fyrir ríkisstofnanir.

Ólafur Þór Gunnarsson"

Birgir Sigurðsson, skipulagsstjóri, fór yfir málið hvað varðar skipulag við Vesturvör 29, sem mun taka miklum breytingum í útliti og innra skipulagi.

Stefán L. Stefánsson, deildarstjóri framkvæmdadeildar, fór yfir tekjur að hafnargjöldum og kostnað við stækkun norðurgarðsins vegna flutninganna.