Fundartími bæjarráðs

Tillaga um að dagskrá bæjarráðs verði opin til hádegis nk. þriðjudag þann 18. apríl vegna frídaga.

Bæjarráð samþykkir með fimm atkvæðum að dagskrá bæjarráðs verði opin til hádegis nk. þriðjudag þann 18. apríl.

Tillaga um að næstu tveimur fundum bæjarráðs verði fundinn annar tími þar sem fundir næstu tvær vikurnar lenda á almennum frídögum.

Bæjarráð samþykkir að halda aukafundi þann 12. og 19. apríl nk. með vísan til ákvæða 2. mgr. 28. gr. bæjarmálasamþykktar Kópavogs og að næstu tveir reglulegir fundir bæjarráðs þann 13. og 20. apríl nk. falli niður sökum almennra frídaga.

Bókun um stjórn fundarins:

"Ólafur Þór Gunnarsson, bæjarráðsmaður VGF getur ekki mætt á þennan fund bæjarráðs þar sem föstum fundartíma hefur verið breytt á miðju starfsári ráðsins. Bæjarfulltrúar gegna margvíslegum störfum og hafa margvíslegum skyldum að gegna sem í mörgum tilfellum eru skipulögð marga mánuði fram í tímann. Breytingar sem gerðar eru með þessum hætti án samþykkis allra fulltrúa eru afar óheppilegar. Enginn haldbær rökstuðningur hefur komið fram sem réttlætir breytingar á þessum tímapunkti. Velta má fyrir sér tilgangi breytinga sem þessara þ.s. þær geta útilokað rétt kjörinna fulltrúa frá aðkomu að málum."

Bókun Ármanns Kr. Ólafssonar:

"Þessi bókun frá bæjarfulltrúanum kemur mér verulega á óvart þar sem ný tímasetning var m.a. gerð í samráði við hann. Það var í því ljósi að ég gerði tillögu þann 23. febrúar um að flýta fundum til kl 07.30. Upphafleg tillaga var um að flýta fundum til kl 07.00 en um það var hins vegar ekki sátt og hafnaði bæjarfulltrúinn því alfarið, í framhaldinu hafði ég því samráð við hann og taldi ég að sátt væri um niðurstöðuna og kynnti hana sem slíka. Við endurskoðun á starfsumhverfi bæjarfulltrúa sem tók gildi síðari hluta síðasta árs kom það skýrt fram að bæjarfulltrúar ættu að geta sótt fundi utan hefðbundins vinnutíma, jafnframt fór forsætisnefnd yfir tímasetningar í nýjum ráðum bæjarins en ekki var fjallað um fundartíma bæjarráðs. Sjálfur vil ég taka fram að ég fagna þessari breytingu í ljósi þess að mikið munar um það í annasömu starfi bæjarstjóra að bæjarráð hafi samþykkt að flýta fundartímanum þar sem hefðbundin vinnutími nýtist mun betur en áður og hafa fleiri bæjarráðsmenn tekið undir það. Mér þætti vænt um að bæjarfulltrúinn talaði skýrar ef til þess kemur að við eigum frekara samráð."

Fundarhlé var gert kl. 9:19.

Fundi var fram haldið kl. 9:25.

Bókun Margrétar Júlíu Rafnsdóttur:

"Á fundi bæjarráðs þegar málið var tekið fyrir bað Arnþór Sigurðsson sem sat fundinn í fjarveru Ólafs Þórs Gunnarssonar um frestun, svo að Ólafur gæti tekið afstöðu til málsins. Samtöl höfðu átt sér stað í aðdraganda fundarins, en engar ákvarðanir teknar. Varafulltrúi VG á fundinum taldi heppilegra að þeir sem málið varðaði mest kæmu að ákvörðuninni. Við því var ekki orðið."

Bókun Ármanns Kr. Ólafssonar:

"Það var búið að fresta málinu einu sinni, Arnþór Sigurðsson lagði fram bókun og síðan var málið tekið til afgreiðslu. Annað sem kemur fram er ekki rétt."

Ármann Kr. Ólafsson leggur fram tillögu að breyttum fundartíma þannig að bæjarráð hefjist kl. 07:30.

Jafnframt er lagt til að liðurinn "önnur mál" á fundum bæjarráðs innihaldi einungis mál sem tilkynnt hafi verið um fyrir útsent fundarboð bæjarráðs.

Bæjarstjórn samþykkir tillöguna með 7 atkvæðum gegn atkvæðum Margrétar Júlíu Rafnsdóttur og hjásetu Péturs Hrafns Sigurðssonar, Ásu Richardsdóttur og Birkis Jóns Jónssonar.

Ármann Kr. Ólafsson leggur fram tillögu að breyttum fundartíma þannig að bæjarráð hefjist kl. 07:30.

Jafnframt er lagt til að liðurinn "önnur mál" á fundum bæjarráðs innihaldi einungis mál sem tilkynnt hafi verið um fyrir útsent fundarboð bæjarráðs.

Bæjarráð samþykkir með 4 atkvæðum og mótatkvæði Arnþórs Sigurðssonar.

Bókun Arnþórs Sigurðsonar vegna fundartíma:

"Það er með öllu óeðlilegt að breyta fundartíma bæjarráðs til hagræðingar fyrir einn bæjarfulltrúa og koma mögulega í veg fyrir að aðrir bæjarfulltrúar geti mætt til fundar í ráðinu. Ef gera á breytingar á föstum fundartímum væri mun heppilegra að leggja fram og kynna slíka tillögu snemma sumars sem tæki þá gildi að hausti svo að bæjarfulltrúar hafi tök á því að skipuleggja sinn tíma yfir veturinn."

Fundarhlé hófst kl. 9.21. Fundur hófst aftur kl. 9.40.

Bókun frá fulltrúum Sjálfstæðisflokks og Bjartrar framtíðar:

"Við breytingar á nefndakerfi Kópavogs voru af forsætisnefnd nýverið teknar til endurskoðunar fundartímar ráða bæjarins, að bæjarráði undanskildu. Hér er verið að færa fundartíma til samræmis við önnur ráð að því leytinu til að hann er utan hefðbundins vinnutíma.

Ármann Kr. Ólafsson, Hjördís Johnson, Karen E. Halldórsdóttir, Theódóra S. Þorsteinsdóttir."

Bókun Ármanns Kr. Ólafssonar:

"Bókun fulltrúa VG kemur mér verulega á óvart þar sem tímasetningin var lögð til eftir samráð við Ólaf Þór Gunnarsson oddvita Vinstri grænna sem illu heilli situr ekki fundinn en bókunin er lögð fram af varamanni hans. Einnig var haft samráð við Pétur H. Sigurðsson fyrir fundinn."

Bókun Péturs H. Sigurðssonar:

"Tek undir bókun Arnþórs Sigurðssonar."

Bókun Birkis J. Jónssonar:

"Tek undir bókun Arnþórs Sigurðssonar."

Umræður.