Málefni Bókasafns Kópavogs 2017

Lísa Z. Valdimarsdóttir, forstöðumaður Bókasafns Kópavogs, fer yfir ýmis mál safnsins.

Forstöðumaður Bókasafns Kópavogs leggur til að komið verði á vinnuhópi sem myndi vinna að hugmyndum um nýtt útibú bókasafns í efri byggðum Kópavogs. Bókasafn Kópavogs stefnir að jöfnum aðgangi allra hópa samfélagsins að safninu með hentugri staðsetningu. Markmið bókasafnsins er að vera bæjarbúum "heimili að heiman" í daglegu lífi.

Forstöðumaður Bókasafns Kópavogs, Lísa Zachrison Valdimarsdóttir, kynnir nánar hugmynd sína að lestrargöngu og óskar eftir að menningarsjóður fjármagni hana.

Lista- og menningarráð samþykkir að verkefnið verði fjármagnað úr lista- og menningarsjóði að hámarki um þá upphæð sem forstöðumaður leggur til og bendir jafnframt forstöðumanni Bókasafns Kópavogs á að hafa samráð við umhverfissvið um gönguleiðir vegna lestrargöngunnar.