Vallagerðisvöllur. Okkar Kópavogur, hugmyndasamkeppni.

Tilnefning tveggja kjörinna fulltrúa, einum frá minnihluta og einum frá meirihluta, í stýrihóp hugmyndasamkeppnarinnar sbr. samþykkt bæjarráðs frá 7/9/2017.

Bæjarráð samþykkir með fimm atkvæðum að tveir fulltrúar komi frá meirihluta, þau Hjördís Ýr Johnson og Sverrir Óskarsson, og einn frá minnihluta, Pétur Hrafn Sigurðsson.

Frá Auði Dagnýju arkitekt, dags. 22. ágúst, lögð fram verkefnalýsing varðandi hugmyndasamkeppni um nýtingu Vallargerðisvallar.

Bæjarráð samþykkir með fimm atkvæðum að hugmyndasamkeppnin verði haldin í samræmi við framlagða tillögu með þeirri breytingu að starfshópurinn hefji störf 15. nóvember og að niðurstaða verði kynnt þann 15. mars. Einnig er samþykkt að við starfshópinn bætist kjörnir fulltrúar, þ.e. einn frá minnihluta og einn frá meirihluta.

Bókun:

Ég styð eindregið að farið verði í hugmyndasamkeppni um framtíð Vallargerðisvallar. Starfshópur um nýjan Kársnesskóla er að hefja störf með aðkomu fjölmargra aðila og mun ljúka störfum innan nokkurra mánaða. Flest bendir til þess að skólastofur verði staðsettar á Vallargerðisvelli a.m.k. næstu tvö árin. Því er skynsamlegast að starfshópur um framtíð skólamála á Kársnesi ljúki fyrst störfum og hugmyndasamkeppnin fari fram á þeim forsendum.

Birkir Jón Jónsson

Fundarhlé hófst kl. 9.15, fundi fram haldið kl. 9.30

Bókun:

Þessi breytingartillaga er til mikilla bóta.

Birkir Jón Jónasson

Bókun:

Lýsi ánægju með breytingatillögu meirihlutans enda er eðlilegasta málsmeðferðin sú að bíða eftir niðurstöðum starfshóps um nýjan Kársnesskóla. Þegar þær niðurstöður liggja fyrir, innan nokkurra mánaða, er næsta skref að fara í hugmyndasamkeppni um Vallargerðisvöll. Þannig hafa þátttakendur í hugmyndasamkeppninni tækifæri til að hafa niðurstöður starfshópsins til hliðsjónar við sína vinnu, kjósi þeir svo.

Pétur Hrafn Sigurðsson

Bókun:

Ég styð breytingartillöguna.

Margrét Júlía Rafnsdóttir

Í hugmyndaferli fyrir Okkar Kópavogur komu fram fjölmargar hugmyndir og óskir varðandi framtíðarnýtingu Vallarins. Fremur en að velja úr þeim hugmyndum var ákveðið að leggja til að efnt yrði til hugmyndasamkeppni um framtíð Vallarins og var sú hugmynd kosin áfram til framkvæmdar af íbúum Kópavogs.

Lögð fram til kynningar tillaga skipulags- og byggingardeildar að verklagi vegna hugmyndasamkeppni um skipulag Vallargerðisvallar.

Frestað.