Bæjarráð - 2881. fundur

Frá fjármálastjóra, lagt fram 6 mánaða uppgjör Kópavogsbæjar 2017.

Bæjarráð samþykkir með fimm atkvæðum að taka málið á dagskrá með afbrigðum.

Frá bæjarstjóra, 6 mánaða uppgjör Kópavogsbæjar.

Lagt fram.

Frá deildarstjóra eignadeildar, dags. 4. september, lögð fram verkáætlun vegna Kópavogsbrautar 17.

Lagt fram.

Frá verkefnastjóra hverfisskipulags, dags. 21. ágúst, lögð fram verkefnalýsing og kostnaðaráætlun fyrir lýðræðisverkefnið Okkar Kópavog.

Lagt fram.

Bókun:

Ég tel nauðsynlegt að endurskoða verkefnið Okkar Kópavogur. Íbúar eiga ekki að þurfa að berjast fyrir því í íbúakosningu að sjálfsögðum verkefnum sé sinnt s.s. að bæjarfélagið gangi sómasamlega frá skólalóðum við Vatnsendaskóla, Hörðuvallaskóla eða hugi að brýnum umferðaröryggismálum.

Birkir Jón Jónsson

Fundarhlé hófst kl. 8.38, fundi fram haldið kl. 8.54.

Bókun:

Íbúalýðræðisverkefnið Okkar Kópavogur er í stöðugri þróun. Hugmyndafræðin á bak við það er að íbúar forgangsraði verkefnum og komi þannig beint að ákvörðunum og er það í anda íbúalýðræðis. Engu að síður er verið að framkvæma fjölmörg önnur verkefni á vegum bæjarins bæði á skólalóðum og að bættu umferðaröryggi. Til að mynda er búið að setja fram metnaðarfullar áætlanir um skemmtilegri leik- og grunnskólalóðir sem markvisst er unnið eftir. Þá er verið að vinna samgöngustefnu sem mun skila úrbótatillögum í umferðaröryggismálum til næstu ára og verður óskað eftir þátttöku íbúa við gerð hennar enda hafa þekkja þeir sitt nærumhverfi best.

Theódóra S. Þorsteinsdóttir, Ármann Kr. Ólafsson og Karen E. Halldórsdóttir.

Frá Auði Dagnýju arkitekt, dags. 22. ágúst, lögð fram verkefnalýsing varðandi hugmyndasamkeppni um nýtingu Vallargerðisvallar.

Bæjarráð samþykkir með fimm atkvæðum að hugmyndasamkeppnin verði haldin í samræmi við framlagða tillögu með þeirri breytingu að starfshópurinn hefji störf 15. nóvember og að niðurstaða verði kynnt þann 15. mars. Einnig er samþykkt að við starfshópinn bætist kjörnir fulltrúar, þ.e. einn frá minnihluta og einn frá meirihluta.

Bókun:

Ég styð eindregið að farið verði í hugmyndasamkeppni um framtíð Vallargerðisvallar. Starfshópur um nýjan Kársnesskóla er að hefja störf með aðkomu fjölmargra aðila og mun ljúka störfum innan nokkurra mánaða. Flest bendir til þess að skólastofur verði staðsettar á Vallargerðisvelli a.m.k. næstu tvö árin. Því er skynsamlegast að starfshópur um framtíð skólamála á Kársnesi ljúki fyrst störfum og hugmyndasamkeppnin fari fram á þeim forsendum.

Birkir Jón Jónsson

Fundarhlé hófst kl. 9.15, fundi fram haldið kl. 9.30

Bókun:

Þessi breytingartillaga er til mikilla bóta.

Birkir Jón Jónasson

Bókun:

Lýsi ánægju með breytingatillögu meirihlutans enda er eðlilegasta málsmeðferðin sú að bíða eftir niðurstöðum starfshóps um nýjan Kársnesskóla. Þegar þær niðurstöður liggja fyrir, innan nokkurra mánaða, er næsta skref að fara í hugmyndasamkeppni um Vallargerðisvöll. Þannig hafa þátttakendur í hugmyndasamkeppninni tækifæri til að hafa niðurstöður starfshópsins til hliðsjónar við sína vinnu, kjósi þeir svo.

Pétur Hrafn Sigurðsson

Bókun:

Ég styð breytingartillöguna.

Margrét Júlía Rafnsdóttir

Frá Sorpu, dags. 30. ágúst, lagt fram sex mánaðar árshlutauppgjör fyrir Sorpu.

Lagt fram.

Frá Stjórn Félags atvinnurekanda, dags. 21. ágúst, lagt fram bréf um ítrekun á áskorun um endurskoðun álagningaprósentu fasteignagjalda á atvinnuhúsæði.

Lagt fram og vísað til bæjarlögmanns til úrvinnslu.

Frá SSH, dags. 14. júní, lögð fram drög að tillögu að samstarfssamningi milli SSH og Fluglestarinnar-þróunarfélags ehf. vegna Hraðlestar til og frá Keflavíkurflugvelli, sem stjórn SSH vísaði til efnislegrar umfjöllunar hjá aðildarsveitarfélögunum á fundi þann 6. júní síðastliðinn. Bæjarráð frestaði erindinu á síðasta bæjarráðsfundi 10.ágúst.

Bæjarráð vísar málinu til afgreiðslu bæjarstjórnar

Frá Úrskurðarnefn umhverfis- og auðlindamála, dags. 18. ágúst, lögð fram tilkynning um kæru er varðar breytt deiliskipulag fyrir Hólmaþing 5 og 5b, ásamt fylgigögnum.

Bæjarráð vísar málinu til bæjarlögmanns til úrvinnslu.

Frá Leikfélagi Kópavogs, dags. 31. ágúst, lagður fram reikningur vegna árlegs styrks bæjarins til LK skv. rekstrar- og samstarfssamningi.

Lagt fram.

Frá Dverghömrum ehf., dags. 23.ágúst, lögð fram áskorun um að leggja fram sáttatillögu vegna stjórnsýslukæru Dverghamra vegna úthlutunar á Álalind 4-8.

Bæjarráð vísar erindinu til umsagnar bæjarlögmanns.

Frá Vottun hf., lagt fram vottorð um stjórnunarkerfi.

Lagt fram.

Fundargerð í 8. liðum.

Lagt fram.

Fundargerð í 9. liðum.

Lagt fram.

Fundargerð í 1. lið.

Lagt fram.

Fundargerð í 2. liðum.

Lagt fram.

Fundargerð í 8.liðum.

Lagt fram.

Fundargerð í 12. liðum.

Lagt fram.

Fundargerð í 94. liðum.

Lagt fram.

Lagt fram.

Fundargerð í 3. liðum.

Lagt fram.

Fundargerð í 5. liðum.

Lagt fram.

Fyrirspurn um framvindu tillögu Margrétar Júlíu Rafnsdóttur um minnkun á plastnotkun, sem samþykkt var í bæjarráði að vísa til úrvinnslu Umhverfis- og samgöngunefndar þann 2.mars sl.

Undirrituð óskar upplýsinga um framvindu tillögunnar.

Margrét Júlía Rafnsdóttir.