Æfingagjöld íþróttafélaga í Kópavogi 2016-2018

Lögð fyrir fundinn svör og skýringar Breiðabliks, dagsettar 22. mars sl. og svör HK, dags. 12. og 13. apríl sl., á hækkunum/lækkunum æfingagjalda hjá félögunum á síðasta misseri.

Íþróttaráð gerir ekki athugasemdir við framlagðar skýringar að svo komnu máli og felur starfsmönnum að kalla eftir gjaldskrám æfingagjalda íþróttafélaganna á komandi starfsári.

Á fundi íþróttaráðs 3. mars 2106 voru samþykktar Vinnureglur íþróttadeildar um eftirlit með gjaldskrárbreytingum æfingagjalda, en markmið reglnanna er m.a. að tryggja að verðlagning þeirrar þjónustu sem veitt er hverju sinni endurspegli eingöngu þann kostnað til fellur við að veita þá þjónustu sem um ræðir. Starfsmenn íþróttadeildar óskuðu upplýsinga frá íþróttafélögum um æfingagjöld fyrir tímabilin 2016/2017 og 2017/2018 í nóv. sl., sem og yfirliti yfir hvaða þættir liggja að baki verðmyndun æfingagjalda í einstökum flokkum/hópum.

Lagt fram yfirlit yfir æfingagjöld hjá íþróttafélögum í bænum fyrir ofangreind tímabil, samantekið af starfsmönnum íþróttadeildar.

Afgreiðslu frestað og starfsmönnum falið að óska eftir staðfestingu íþróttafélaganna á framlögðu yfirliti sem og ítarlegri gögnum þar sem það á við.

Lögð fyrir fundinn gögn sem send hafa verið til íþróttafélaganna, þar sem óskað er upplýsinga um upphæðir og breytingar á æfingagjöldum félaganna fyrir tímabilin 2016-2018.

Umræður um kostnað við íþróttaiðkun barna og ungmenna í Kópavogi. Frekari umræðu frestað þar til frekari gögn liggja fyrir.